Dt 6.OCt 2013 PHek hma

KAN MAMAWH
RINAWMNA LEH PATHIAN TIH

Zoramin eng nge kan mamawh ber ti ta ila, ‘Rinawmna leh Pathian \ih’ tih a ni ang. Vawiina kan ram dinhmun kil hrang hrang a\anga thlirin lawmna tur tam tak leh rilru siam \hat ngai tam tak a awm. Kan ram zimte leh mihring tlemte hian Pathian malsawmna kan dawng nasa. Kum 50 chhung hian keini mizote aia \hang nasa hnam dang an awm a rinawm loh. Indopui 11-na a han tawp fel, 1945 velah kha chuan, Mizo zawng zawng di inah kan la cheng a. Motor-in Aizawla thleng thei hram a,  mei engah lehkha kan zir a, Aizawl, Durtlang leh Lungleiah chauh damdawi in a awm.

Tuna kan dinhmun erawh chu sawi hrehawm khawp, sawi loh theih a ni bawk si lo a ni. Han sawi ila.

  Politic chu ram rorelna siamna hmanrua a ni a,amahin a chhe ngawt lo a, a bawlhhlawh hek lo. Mahse kan ramah chuan kan nun tichhetu, kan ram tihrehawmtu, in\henawm khawvenna ti nuam lotu a ni. Politic chu ram rawngbawlna hmanrua tur a nih laiin sumdawnna chi khatah kan siam a ni. Mipui vantlangin party kan vawnna chhan lian ber chu sum siam nan chiah a ni. Kan \awng kamah pawh ‘kan lalchhung hian’ ti leh ‘kan lal hunah chuan’ tih a ni. Politic khel fuh kan tih ho pawh hi hausak phahna atana hmangho hi a ni. Hausa thutte kan awta, kan itsika, lal ve kan duh a, kan bei a, kan khawtlang nun a chhe zo ta a ni. Thawhrimna tel lo va hausak kan tuma, politic kan khel ta vek mai a ni. Chu chuan kan ram hi hremhmunah min hruai lut ta mek a ni. Mahni hma kan sial avangin thil dik leh dik lo pawh ngaihtuah lovin, hmanrua eng pawh kan hmang hreh ta lo. Silai, hel, kidnap lem, suma in lei nen kan buai zo ta. Politician ho lahin kan retheihna chu rem changah hmangin min lei nan sum an chhek khawl a, keini lahin min hmusit tih nachang kan hre bawk si lo. Kan Politician nih tum dan hi kan thlaka, kan siam \hat angai a ni.

Kristian kan nih hmaa kan pi leh pute kha mi rinawm niin kan sawi \hin. In pawh kalh loin thingfakin an do mai \hin kan ti. Khatiang kha ti lo thei lo an nia lawm. Tala an nei lo a, chubakah an inchhungah khan thil hlu engmah ruk tur an nei lo a ni.Sawrkar thil semah mahni nihna miah lo, BPL tih haw hle siin, BPL dawn ang dawng hreh lote, mahni hming thlaka, mi hminga sawrkar thil dawng duh mai te hi he zoramah hian kan va tam em!

Thawk mang lo leh thawk lova sum hmuh \heuh kan tum vek, kan piangsual a ni. Kan rilru depde hi kan retheih phah mek a kan la retheih phah zel dawn. Mahni thawhchhuah ve tum aia mi thawhchhuah sa ei kan tum chhung chu kan ram hi a hausa lo vanga, retheihna a pung tual tual ang. Chuvangin keini Kristian Ringtu intite hian ke pen ila, raltiang kai turin i bei ang u.

Heng kan sawi tak zawng zawng hi Pathian kan hriat loh leh \ih loh rah vek a ni. Sorkar a\anga thlawna thil hmuh kan tum lutuk hi a Kristian lo a, kutdawh rilru a ni. Pathian ring, piangthar, thlarau mi chu mi dang \anpuinaa innghat lovin a intodelh tur a ni. Chuvangin hna a nih phawt chuan rinawm leh taima taka thawh a ngai.

Pathian kan hmuh dan leh kan hriat dan dik loh avangin heng hi kan chang mek a ni a, kan Pathianin thawk lo chuan ei pawh ei suh se min ti a, kan thawhchhuah mil zel leh kan chhungkaw dinhmun zir zelin nun tum ila, mi dang tana malsawmna ni thei turin ke i pen ang u.

                            .......................... *****......................******............................

VAWIIN LALPA NI PROGRAMME

Sunday School \antute :

Naupang    :       Ramngaihzuali (Inter)
Sakramen    :    K.Vanlalvuani
Senior         :     Lalchhunmawii   
Puitling     :    Pu Lalhmangaiha

Chawhnu     :     Pu Rothangvunga
Zan         :         Upa Hrangliana

CEF INKHAWM

Hruaitu    : Tv. Ramnghetmawia
|antu        : Laldinsanga
Hla hriltu    : Remlalmuani

Hla zir tur a ni ang.

TLEIRAWL PAWL

Hruaitu    : Nl. LR.Hmunmawii
|antu        : Lalnunsanga

Hla zir tur a ni ang.

K|P TLAI |AWNG|AI INKHAWM

A hmun     : Tv Lalmalsawma te In
Hruaitu     : Tv Ramnghetmawia,CM.
|antu         : Nl Zonunsangi.

Hla kutpui inbuatsaihnan hla zir leh tur a ni dawn a, Kristian Hlabu ken \heuh tur a ni.

MISSIONARY FUND

Pathianni leh khi K|P ten Missionary Fund kan lakkhawm hun kha a ni a, member-te lo inring lawk \heuh turin kan inchah a ni.