Sermon

25.08.2013

                           HREHAWMAH PAWH I LAWM ANG U
                                                   (Rom 5:1-4)

    Kan thupui sawi tur hi ‘thiamchanna rah’ tih a ni a. A awmzia chu hrehawmnaah pawh lawm a awm theihna chu Pathiana thiamchang tawhte awm dan a ni e, tihna a ni ang. Mizo kristiante hi rinna kawngah kan kal thui lo hlein a lang. Rawngbawlna lamah pawh kan dai chin, kan thlen chin a sang vak lo. Kan lawmna leh hlimna tam ber hi hrehawmnaah a ni lo fo. Hrehawmnaah lawm thu sawi tur khawpin kannung ngamlo fo.
   
    Sam ziaktu chuan, “Tihhrehawma ka awm hma khan ka vak bo thin a; Tunah erawh chuan i thu ka zawm ta,” tiin a sawi a. “I thu ruatte chu ka zir theih nana tihhrehawma ka lo awm kha ka tan a tha a ni,” tiin “Mihring siam that nan khawdur a ngai” tih a ni bawk. “Kros(hrehawmna) tel loin Lallukhum a awm lo,” tiin an sawi thin. Communist Lung Ina Isua an rin avanga tangte danglamna langsar tak chu hrehawmnaah an lawm thin hi a ni a. Lalpa Isua avanga tuarve tlaka an awm avangin lawmthu an sawi thin. Keini erawh chu chhanchhuaha kan awm avang te, tuarna pumpelhtu kan nih avangtein lawmthu kan sawi thin a nih hi!! Kawvela Kristiante zingah rinna avanga tuarna lam aiin Krista avanga lawmna leh hlimna dawng hnem kanni a. Hei vang hi em ni ang : Tuarna, hrehawmna kan ngai thei lo em em a ni. Kohhranhoah pawh hrehawmna lam chi hi chu a sawitu tur kan vang a,lawm tak a dawngsawng thei kan awm na hek lo!
    Kan hnam pumpui nun hi han bih chianin hrehawmna hel duh hnam, hrehawmna pumpelh duh mi kan niin a lang(Kan eizawnna kawng hrang hrangah pawh tuarna leh hrehawmna chu kan pumpelh theih nan diklo leh fello zawk kan thlang fo a nih hi!! Kan rin ber Lal Isua chuan hrehawm pawisa lova a hnung zui turinmin ko si! Keini chuan hrehawm tlansana Lal Isua zui kan thlang si a ni lom ni? Hrehawmah pawh lawmaawm tur chuan kan hrehawm chhan hriatchian a tul. Tunah hrehawm mahila nakinah kan la nihlawh ngei ang tih ringtu tan chuan hrehawmah pawh lawma awm a harsa lo ve.
    Rinawmna leh dikna avang chuan hrehawm tuar tur a awm ngei ang. Mahse Rinawmna leh Dikna vuan tlattu tan chuan hrehawmna pawh lawm naah a chang zel thin. Lal Isuan amah zuitu tur a thlannaah chuan hetiangin a sawi a “Tupawhin mi zui a duh chuan mahni hrehawm pawisa lovin ni tin a kros puin mi zui rawh se,” a ti a ni. Isua zuitu chuan hrehawm a tuar ngei dawn a, chuchu pawisa lovin Isua a zui tur a ni ang. Hrehawm pawisa lovin Isua a zui theih loh a nih chu! Isua avangin hrehawmah pawh lawm a awmin Isua mi kan nih a tul.
    Kohhranho hian hlim leh lawm kan chak a, harhthar nih reng kan duh a, hrehawmna erawh chu kan tuar peih lo fo . Hei vang hian kan harhna a tlo lova, kan hlimna a tlo lo te pawh a ni ang. “Hrehawmna chuan chhelna a siam a, chhelna chuan hriatfiahna a siam a, hriatfiahna chuan beiseina a siam,” tiin Pathian thu chuanmin hrilh a ni. Pathian a beiseina nung nei zel tur chuan hrehawmna chu a kawngpui tihna a ni. Pathian remruat kan hriatfiah theih nan tihhrehawmna chu kan tan malsawmna a ni tih Sam ziaktuin min hrilh.
    Kan ram leh hnam dinchhuahna tak tak tur hi hrehawm tuar huam naah a innghat thui hle ang. Lawm takahrehawm tuar peihtu kan tam hunah kan ram pawh hi a la ding chhuak ve ngei ang. Mimal nunah pawh lawm tak a hrehawm tuar peih apiangte’n malsawmna an dawng ngei ang. Pathianin chutiang mi malsawm chu a tiam si a.Paula chuan nakina a chanvo hlu tak a hriatreng avangin tuna hrehawmna hi chhu “hrehawmna nep tak” tiin a sawi mai a ni. Keini pawh nakin beiseina neiin tuna hrehawmah hian lawm takin i awm mai ang u. Beiseina chuan hrehawmah pawh lawmna min siam si a.
                    
                                             
                                                          .....................................................

 

28.07.2013

                                                ISUA NEN - TUNLAI KHAWVELAH
                                                      (Mat 5:13-16; Luka 9:23-27)

    Isua khan a hunlai mite kha tihmawh leh khirh tak tak niin a hre ve a ni ngei ang, “Nimahsela, tunlai chhuante hi eng nen nge kan tehkhin ang? Naupang - d^wr hmunahte \hua, an \hiante auva, ‘Phenglawng ka tumsak che u a, in l^m si lo va, Kan \ap vak a, ^wm in inch<m si lo,’ tiate ang hi an ni,” tiin a hun lai mite nun chu nun chawmawlh niin a ngai a ni. ‘Chhuan sual tak leh uire hmang’ ‘ Chhuan rinna nei lova tihmawhte’ ti tein a sawi.Chutiang karah chuan amah zuitute chu kraws pua amah zui turin a phut tlat a ni. “... tu pawh tunlai chhuan uire leh thil sual tih hmangte zinga kei mi zahpui apiang, Mihring Fapa hian, vantirhkoh thianghlimte nena a Pa ropuinaa inthuama a lo kal hunah chuan, chu mi chu a rawn zahpui ve thung ang,”(Marka 8:36,37) a ti hmiah mai a ni.
   
    Tunlai khawvel hi ‘tisa chakna kawnga zauthauna khawvel’ khawthlang ramah sex zalenna an puang a ni ber mai a; Kohhran \henkhat phei chuan bishop-ah mawngkawhur te an neih tak avangin an buai a ni. Damdawi thiamna a sang zel a; chu vang chuan mualphona tam tak kan ramah ngei pawh kan pumpelh thei ta. Sex  phalrainain min hrut vel a. Mi tam tak tan chuan sex-hi mihringa ch^kna dang -     tuihal
leh ril\am ang mai a lo ni ta. Kan ramah ngei pawh \halai tam tak chuan remtih duna hman chu pawi lovah an ngai tawh em maw tih tur a ni. Hetiang khawvelah hian Isua duh dan chu a pangngai reng. Sual pawh hi sawi nep mah ila, a sualna a reh chuang lo tih kan hriatreng a ngai. Tunlai mite ngaih dan chu lo danglam mah se, Isua zirtirna chu a danglam ve chuang lo a ni.

    Mahni duh ang anga zal>n taka awm a, mahni nuam tih z^wng leh \ha tih z^wng z^wnga awm duhna khawvelah hian, Kraws puin Isua kan zui thei ang em? Kraws chu mahni thihna tura thiam loh changten an put \hin a ni a, an duh angin an awm thei tawh lo. Kan zui Isua hian khawvel nunphung pangngai zawm vea, peih tawka zui turin min ti lo va, a duh anga nung turin min duh. Zuitu chu a mi zui kalnaah a kal ve ang a, a mi zui duh danin a awm tur a ni.

    Isua kha mi dangte tana nunga inhlan ral raih a ni a, a zirtirna pawh mi dangte tana nun a ni ber. Tunlai khawvela Isua nena nung tur chuan mahni inphata, ch^n ngam a ngai. Engkim mai inchuhna khawvelah hian mi dangte tana hmun kian thei leh mi dangte tana ham\hatna kian thei khawpa Isua nena nun a \ul a nih hi.

    Isua khan intihlar a tum lo va, a mak z^wng leh mi hriat hlawh zawnga rawngbawl a tum hek lo; lalah siam an tum pawhin a bikbosan mai a ni. A thil mak tihte pawh kha sawi lo turin a khap tlat \hin zawk a ni. Lar duhna hi chapona rilru a ni a, Isua erawh chuan inngaitlawm turin min zirtir zawk \hin.

    A tawp berah chuan khawvel hi la boral mai tur a ni tih i hria ang u. Isua zuitute chu thil inthlak danglam zung zungin kan nun a kaihruai tur a ni lo. ‘Tui kianga thing phun,lui kama zung kai, khaw lum lo thleng tur pawh  hlau lo, a hnahte hring reng si, khawkhen kum pawisa lo, rah chhuah \hulh chuang si lo ang hi a ni ang,’ tih ang khan dinna nghet tak neiin kan nun a buai ve ch<k tur a ni lo. Kan nunna chu a petu Krista hnena thuhruka a awm tlat avangin kan zam ve mai mai ngai lo va, a boruak chhaihin kan intheh liam ve mai mai tur a ni lo. Nun chhan fel tak leh nun hawi lam tur fel tak neiin, chumi kawng chu ding takin kan zawh tur a ni.

21.07.2013

                                                           Paula Nuna Khawngaihna
                                                           (II Kor 12:9; Malakia 4:1)

   

         Mosia dan hmanga rawngbawlin a hun a hmang a, a thiltih ve in tuma nun a khawih lo pawh chu a ni maithei, chutih laiin mi tlem t> in Thlarau hruai leh thuam thar in Thlarau Thianghlim leh keinin titute an rawn au va, vahchap kang ang duai duaiin a ngaithlatute thinlung ram a dap zung zung mai si, a hmuh dana zirtirna dik lo leh helna chi khat, Mosia dan sawichhiatna a nih avangin tidik zawk a in ngaiin a bei chho ta kha a ni a. Tichuan, a chetdan kawng hmang rawng lutuk leh \hahnemngaihna tisa lutuk avang chuan engti kawng zawng mah hian khawngaihna hi a phu lo. A chet dan nat poh leh Pathian thinlung chu a chhun na, a chhun na mai dawn kha a ni mai a, chutih m>k lai chuan engtik lai maha a phu lo tur khawngaihtu Krista chuan a rawn man ta chat mai a. A kal chhoh zel naah Pathianin a kaihruaiin, an thuam ta tak tak mai a, khawngaihna chu a zirlai, a nunna a thawk t^wp thleng a hla ropui tur a ni ta a, tichuan khawngaihna tarlanna Kraws chawi vultu langsar ber a ni ta.

     Keini pawh Krista khawngaihna avanga inpumpek a, lawm taka rawngbawl tur kan lo ni. Kan tan khawngaihna aia rimawi leh ngaihnawm zawk a awm thiang lova, thlir tur leh hmachhuan tur dang a awm hek lo. Lal Isuan Galili ram a fang a, ramhuaite a hnawtchhuak a, a thute hrilin tihdam ngai a tidam a, khang zawng zawng kha khawngaihna vang a ni. Phar bawlhhlawh pakhat pawh khan Isua a hmu khan , “Mi tidam rawh” a ti ve mai ngam lova, “I duh chuan mi ti thianghlim thei e” a ti ringawt mai a, Isuan a hmu a a khawngaih ta em em a, a ban a, a dek a, “ka duh e, lo thianghlim tawh ang che” a ti a, phar bawlhhlawh chu a thianghlim ta a ni. A lawm lutuk a, engmah puang lo tura hrilh a nih pawhin , a dam thu a puang lo phal lo a ni.

    Khawngaihna kan chan hi a nep lova, kan ngainep a, kan chapo em avangin khawngaihna kan hmuh khum a, mite zep theihloh hi kan zep tlat a, chutiang a nih chuan khawngaihtu Pathian hmel mimal takin kan la hmuh chian loh vang em ni zawk? Kan ke chheh leh ban then a zang khai loh em em danah hian hmuhnawm dang, ngaihnawm dang sawinuam dang hi kan ngah lutuk a, khawngaihtu hi kan fak hman lo a ni lo maw?. khawngaihtu Lalpa, kan hmaah parmawi lo cham reng rawh.
        Lalpan kan za atan malsawm rawh se.

Jeremia pawh hian khawngaihna hi a lo hmuchiang khawp mai, “tihborala ka awm lo hi Lalpazahngaihna a lo ni, a lainatna te chu a kang ngai loh avangin,” a ti thlawt mai nia! Paula chu a inpuan dan chuan Dan lama Pharisai, \hahnemngaihnaa Kohhranho tiduhdahtu a ni a, martar hmasa Stephana denghlumtute thawmhnaw lo vawnghim hialtu kha a ni bawk a, chung chunimahsela, Pathianin a lo tidanglam ta hmiah maichu a danglamna chu khawngaihna avang a ni tih a hrechiang chhova midangte lainattu a ni ve ta a, a rawngbawlnaa piangtharte pawh Krista khawngaihna ropui tak avang chuan amah (Krista) hnenah inpumpek turin a chah bawk a. Pathianin Paula kaltlangin mi a tidam a, chu chu amah (Paula) chuan a hai lova, keimahin ka thawk lova, keimaha awm Pathiankhawngaihna chuan a thawk zawk a ni a ti.Paula danglam chhan chu khawngaihna a ni a, rawng a bawl chhan pawh khawngaihna, amah rawn hmangtu pawh khawngaihna thlarau (Khawngaihtu Pathian) a ni a, a thuchah pawh khawngaihna, dawhthei taka mi tihduhdah leh hmuhsit a tuarna te, nekchep leh vuak a tawrhna te, amaha setana kutthak hnawihna te chu khawngaihna vangin a tuar a, a dawl (Hnual) phah lo a ni.

                                      ..............................................

14.07.2013

                                                       PATHIAN HMANGAIHNA
                                 (Johana 3 : 16,17, 14 : 15,21; I Johana 2 : 4-6,15-17)

    Pathian hmangaihna sawi dawn chuan Mihringte kan sual zia hi kan sawi lan hmasak phawt a tula a, Adama atang tawh khan bawhchhetu kan ni a. Kan kohhran Thurin no.5-na ah chuan “Mihring chuan a ma duhthu ngeiin Pathian dan a bawhchhia a, chhiatna leh khawlohna ah chuan amah a in barhlut ta a” tiin a sawi a. Israel fate Pathianin Mosia hmang a Aigupta ram atanga a hruai chhuah pawh khan hun rei tak chhung kha chu Pathian duh dan in sual lam hawi lovin an awm thei a , mahse a lo rei deuh hnu khan Sual lam an lo hawi leh thin a nih kha. Khatih hun lai pawh khan Pathian duhloh zawng leh Pathianin tilo tura a tih chu an hrereng, anmahni duhthu leh an duhthlanna ngeiin an sual leh thin a nih kha. Keini hunah pawh hian chu thu chu kan la chhawm zel a, Kan Pathian duhloh zawng chu hrereng siin kan duhthlanna ngeiin kan sual leh thin a nih hi. Lalpan a Kohhran hote hi ama duhzawng titurin min din a engvangin nge min siamtu duhloh zawng chu kan tihleh mai thin?
   
    Kan Pathian min hmangaihna hi a lo va thukin a lova nasa em! Johana 3-ah chuan Pathianin Khawvel a hmangaih thu leh Khawvel dam theih nan a a Fapa a lo tirh thu kan hmu a. Keini Mihringte suala bo pil mai tur a Fapa meuh pawh zuah lova keini mihringte tan a anchhedawng Kross-a thi tur a kan tan min lo pe mai hi a ropui takzet a ni. Kan Pathian min hmangaihna hi a lo va thukin a lo va ropui em! Fak hla siamtu chuan “Tuifinriat a tui zawng zawng hi Pen tuiah chang se, Thingzar zawng zawng hi Penah chang bawkse, Khawvela Mihring zawng zawng hi a ziaktu ni ila, Van Zau tak mai khi Lehkha phekah chang bawk sela, chutah chuan Pathian min hmangaihna hi han ziak dawn ila, kan ziak seng lovang a kan ziak zo thei bawk lovang” a lo ti hial a ni.
    Amah hrechiangtu a piangin a hmangaihna zauzia an hre belh zel thin a lo ni. Israel fate pawh Pathianin a hruai chhuah khan a duhloh zawng an tih leh \hin pawh khan an sualte sim a, a lam an hawi leh chuan, a hmangaih avangin a lo ngaidam leh \hin a nih kha. Keini ah ngei pawh hian vawi tam tak Gospel Campingah kan lut a, a hnu lawkah kan ‘da’ leh \hin a, mahse Pathian chuan min hmangaih em avangin sim a a hnen lam kan hawi chuan minlo ngaidam in min lo pawm leh \hin a nih hi. Chutah tak chuan kan ngaihtuah tur chu Mihringte hian kan thih hun tur kan hre silo tih hi a ni, kan pianthar lai takin nge kan pianthar loh laiin kan thih dawn? tuman kan hre lo. Chuvang chuan engtik lai pawh a Lalpa tawk thei tura kan inpeih hi a hun tawh takzet a ni.

    Pathianin min hmangaihna hi engtinnge kan chhan let ve ang ? a hmasa berah chuan, Kohhran inkhawm a taima taka kan inkhawm leh Kohhran hnatlang a taima taka kan chhuah \hin te hian Pahian kan hmangaihna kan lan tir, tihna ani dawn lawmni? Pathian hmangaihtu tan chuan inkhawm ngai lohte hnatlan ngai loh te hi a theih loh a ni. A dawt leh ah chuan kan nitin khawsakna ah hian Pathian kan hmangaihna hi kan lantir thin em aw? Eng hna pawh thawk ila, Pathian hmangaihtu kan nihna hi miten keimahni ah an hmu \hin em? Eng angin nge mi te hian min lo hmuh \hin? I in ngaihtuah chiang ang u. A dawt lehah chuan, Kohhran leh khawtlang hi mi tam takin an dah hrang fo mai. Pathian hmangaihtu kan nih chuan kan dah hrang tur a nilo. Chhiatni./Thatni hi kan ngai pawimawh tur a ni.  Pathian hmangaihtu tan chuan Kohhran leh khawtlang a theih tawp chhuah a kan in hman hi a va pawimawh em.



                                                 ..................................................

23.06.2013

                                               RINGTU NUNNA CHAW - BIBLE
                                                   (Deut.8:1-6; Sam 119:105)

    Nunna nei zawng zawng hian chaw kan mamawh vek a, chaw tel lo chuan kan nung thei lo. Chaw hian nunna nei a vawng nung \hin a, hriselna a ni bawk a, chaw \ha ei lo chu an hrisel lo deuh bik a, kan taksa veng hrisel tur leh natna te lo do hneh zel turin chaw \ha kan mamawh a ni. Chutiang bawkin kan thlarau lam nun pawhin chaw \ha a mamawh a. Kan thlarau nun chawmna chu Pathian thu a ni. “Mihring hi chhang chauhin a nung lo va, Lalpa kaa thu tin chhuakin an nung zawk a ni” tih Bible-ah kan hmu a, chu chu mihringte nunna a ni.

    Bible hi chhandamna hmu khawpa min tifing thei lehhkabu, a thupui ber pawh chhandamna a ni a. Ringtu chu \hang zel tur a ni a, chutianga ringtu nun \hanlenna leh nunna atana chaw \ha chu Bible-hi a ni. Kan \awng\ai hian Pathian hnenah kan duh zawng kan thlen a, Bible-kan chhiar hian Pathian duh zawng kan hria a, kan hnenah thu a sawi ve thung a ni. Chuvangin, ringtu chuan Pathian aw leh a duh zawng a hriat theih nan Bible -a chhiar \hin tur a ni. Bible-hi chhiar thiam a ngai thung. Martin Luther-a khan Bible chhiar hi Apple lawh nen a tehkhin a. ‘A hmasain a hmin sawi tlak mai theih sawi tlak a ni’. Bible-ah hian hrilhfiah kher lo pawh a fiah em em a tam mai. Mark Twain- an, “Bible thu har pui pui hian min tibuai lo...thu mawl te te ka hriatthiam em em, ‘ru suh’, ‘awt suh’ tih te hian min tibuai zawk a ni,” a tih kha a dik khawp mai.Apple hmin chu sawi thlak a nih hnuah a kung lawn chilhin a zara mi lawh leh tur a ni.Chumi awmzia chu, thu mawl tluang piah lam hret kan thleng thei ta tihna a ni. Chumi zawhah a\anga mi lawh leh tur a ni; tichuan, a tawpah a hnah tin hnuaia mi lo thei turin kan en ngun hle ang.Chumi hunah meuh chuan thu har pui pui pawh nise kan hrethiam thei ang.

    Bible kan chhiarin \awng\aina nen Pathian aw hriat tumin chhiar ila; kan nunah eng nge a pawimawhna hriat tum tur a ni. Chutianga Pathian pawl chunga kan chhiar chuan Pathian pawhin min pawl nan Bible -thute a hmang \hin a ni, Ngun takin chhiar \hin mah ila, Pathianb pawlna rilru nen lo chuan a tum tak kan hre thei lo vang. Isuan, “Pathian lehkha thu in chhiar ngun \hin, a chhungah chatuan nunna awmin in rin avangin: chung Lehkha chu ka chanchin hriattirtu chu a ni si a. Nimahsela, nunna nei turin ka hnenah in lo kal duh si lo,”(Joh. 5:39,40) a tih ang kha kan ni thei.

    Bible-hi hriatthiam tumin kan chhiar \hin tur a ni a, hre thiam tura ngun taka kan zir pawh a ngai \hin.
Hrethiam turin Thlarau Thinghlim \anpuina kan mamawh a, Ethiopia lalnu, Kandaki hnuaia mi til reh lal tak, a ro zawng zawng enkawltu pawh khan thlalerah tawlailirah Zawlnei Isaia lehkhabu a chhiar a; mahse, Philipa’n a han zawh chuan a thu chhiar awmzia chu  a lo hre hauh lo mai a ni. Hetiang hian keini pawh Bible thu hi hre thiam miah lo hian kan chhiar ve thei a ni. Chuvangin, Bible thu te hre thiam turin Thlarau Thianghlim \anpuina dil ila; tichuan, kan hrethiam thei ang. ‘Bible chu amah leh amah a inhrilhfiah’ an tih ang khan Bible hrilhfiahna \ha ber chu Bible vek hi a ni a, a thute hi an \ang khawm vek a ni.
 
                                                  ...................................................

09.06.2013

                                                PIANTHARNA CHU PATHIANAH A NI 
                                             (Rom 6:1-11;8:1-2, Phil. 1:21; II Tim 1: 9,10)
   
    Nikodema chuan piantharna chu nu puma luh a, pian \hat leh emaw a ti a. Isuan a hrilhfiah ta a : “Tuiah leh Thlarauvah i piangthar tur a ni,” Isuan a ti a : Tui chu silfaina a ni a, thlarau chu nunna a ni. Piantharna chu sual silfaina nen a inkawp tlat tih Isua sawi hmangah hian alang. Tui leh thlarau a inkawp tlat e, a tihna a ni hauh lo. Piantharna chu sual silfaina leh thlarauva nun a nih thu sawifiahna a ni zawk. Kan Bible-ah  hian amahah, Krista-ah,thlarauvah tih kan hmu fo va. A ngaihna hre lovin kan chiar liam fo \hin. Piantharna chu Pathianah chauh a nih zia Bible chang hrang hrang a\angin kan hmu thei ang.Pathianin min ruat a. Krista  hnena thi ve tawh chu a hnenah a nung (piangthar) ngei bawk ang tih min hrilh.   Krista thihna kha sual lam kawnga nung mekte thihnaah  Pathianin  a ruat anga ruat ve a, a pawm anga pawm ve a piang chu  Pathianah minung, siam thar, piangthar, Krista nun ringa nung an ni tih min hrilh.Tichuan, piantharna chu Pathianah a ni tih kan hre ta mai a nih chu.
  
    Paula chuan,”Kei atan zawng nun hi Krista a ni a, thih pawh hlawkna a ni,” tiin  a sawi a(Phil 1 : 2). Nun ber Krista a nih chuan piantharna pawh Pathianah,Kristaah a ni tih a chiang hle mai. Pathianin nun min pekna hi A mahah a ni tih hriat chian kan mamawh tak zet a ni
  
    Krista  Isua hi kan pianna thar, kan piantharna a nih si loh chuan eng emaw avangin hlimin han phur sateh  \hin mah ila, rei lo teah a chuai leh mai \hin,. Mahni thiam inchantir tumin, “ Thlarau zawngin a peih a, tisa erawh a chak si lo,” tiin kan chak lohna leh kan  tlin lohnaah thiam inchantir kan tum fo \hin, Pathian thlarauin a peiha,a thawh reng laiin keimahni lam kan felloa,kan tling lo a ni tihna a ni zawk a. Ka thlarauvin a peiha, ka tisa  achaklo a ni tihna lam a kawk lo ve,Keimahniah \ha r>ng a awm loh a vangin  Pathian lam a mi vek rin chhan turin Pathianin min ko a ni zawk. Leilung pian hmain Krista  a nunna thu chu Pathianin Krista Isuaah min pe tawh a ni tih 1 Timo 1:9-10 ah kan hmu leh a. Kan piantharna atana Pathian lo ruahman leh pek chu Kristaah a nih chu. Pathian chuan sual vanga a laka kan thihna chu krista thihna hmangin min tihtawpsak a, nunna leh boral theih lohna chu a chanchin\ha Krista hmang v>k chuan kan hnenah a tilang ta a ni. A va ropui em!!..

    Krista Isuaah kan thiam lohna a ching fel a, kan sualna pawh Kristaah ngaihdam kan ni a. Amah Pathianin kan duhzawng pawh ni lovin Ama ruat leh khawngaihna ang zawkin Krista thihna leh thawhlehna hmangin min ‘hringthar’ a. Boral leh mai thei chi ah min pianthar tir lova, chi chhe thei lo lakah min hringthar a ni zawk e. Mahni in hring, in pian tir thei tumah an awm lo angin Pathian thua piantharna hi Pathian tih liau liau a ni e.

   
  
   


                                               ............................................................
26.05.2013
                                                             CHATUAN NUNNA


    Chatuan nunna chu Pathian thu tiam a ni : “ Hei hi a ni Amah ngeiin thil min tiam kha - Chatuan nunna hi” (Joh. 2:15). Chatuan nunna hi rin vak a neih chi a ni emaw thawh vak a chan chi emaw pawh a ni lo va, Pathian thutiam alo ni reng mai.

    Chatuan nunna pek Pathianin min tiam a\ang hian kan neih sa nunna chu chatuan a han nun pui chi rual a ni lo tih kan hre thei nghal ang. Chatuan nunna chu Pathian thutiam a nih zia hetianginkna hmu bawk a: “ Chu chatuan nunna chu Pathian dawt sawi thei lova chuan khawvel awm hmain a tiam a” (Tita 1:2). Khawvel awm hma pawh a tiam chu a hlu hle tih a lang nghal a. Pathianin a mite hnena pek a tiam zingah chatuan nunna hi a bulpui a ni ngei ang.Kan rilru ah chatuan nunna hi kahwvel awm hma daih a pek tiam  a nih si chuan bawhchhiat hmaa mihring nunna pawh kha chhe mai tur a siam lawk, a aia \ha pek tho tur angin kan ngaihtuah a ni thei e. Chutiang zawngin Paula’n chatuan nunna pek tiam hi a sawi lo va; Chatuan nunna hlut zia leh Pathian pek a nih chian zia a sawi mai zawk tih kan hre tur a ni ang.

     Pathian thilpekah chuan chatuan nunna hi a hlu ber ang. Kan nun neih sa chatuan nunah a siam thar a ni lo va, kan nunna leh chatuan nunna a belhbawm a, min pe thar a ni bawk lo va, a thar hlak in Pathianin chatuan nunna min pe a ni. Kan kawl sa nun chu sualin a ti bawlhhlawh a, sual ah a awm a, a vaiin sual bawihah a awm a, \hatna reng a neih loh avangin Pathianin a hnen a nung a awm turin chatuan nunna  a tharin min pe a ni. Kan nun neihsa chei \hat nan chatuan nunna min pe a ni lo, misual nunna thar atan chatuan nunna min pe a ni. 

   Chatuan nuna chu a fiah tial tial ta. Pathian tiam a ni a, Pathian pek a ni leh a. Chu Pathuan Thutiam, Pathian pek ni ta chuan chatuan nunna chu Isua Krista hi  a ni tih min hrilh a ni. Chatuan nunna chu Pathian nunna sawifiahna pawh a ni tih kan bible tarlan a\ang hian kan hre thei ang, “ Chatuan nunna chua fapa ah a awm a ni” tih a ni a. Isua Kristaah chatuan nunna a hranin a awm tihna a ni lova, Isua Krista chu chatuan nunna a nih zia bawk a sawifiahna mai a ni.
   
    Pathian thu chuan, “ Fapa chu neitu chuan nuna chu a nei tawh” a ti a. Tin, Isuan” Tupawh ka tisa ei a, ka thisen in chuan chatuan nunna a nei tawh “ a ti a.Tin, “Tupawh fapa ring apiangin chatuana nun an nei tawh “ a ti a. “Tupawh ka thu hria a mi tirtu ring chuan chatuan nunna a nei tawh” a ti leh bawk a. Chatuan nunna neih dan kawng chu Pathian thu hria a, fapa Isua Krista rin chu a ni tih Pathian thu chuan a sawi chiang hle mai

Isua Krista chu chatuan nun a ring turin, a ringtu tur chuan a neihsa nun chu chatuan nun a ni lo tih a hre chiang hmasa ngei tur a ni. Miin “Nun ka nei lo a ni. Ka nun neih hi chatuan nun a ni lo, sual hrem hmuna luh pui tlak chauh nun  a ni ka neih ni” tiin ama nun a hmufiah hmasa tur a ni. Pathian min pek chatuan nun a\ang hian kan neihsa chu nunah Lapan a chhiar hauh lo mai tih kan hmu fiah ngei tur a ni.

    Kan neihsa nun hi chatuan nunah siam a ni lo va, chatuan nun thar min pek hmanga Pathian hnena chatuan a nun tur chu a mak a, a ropui em em a ni. Isua Krista rin avang mai a chatuan nun han neih tak mai chu ngaihtuah tham a tling a, ngaihtuah chian a dawl em em a ni.

    Lal Isuan,” Nun an neih nan, tam tak an neih nan, lo kal ka ni” a ti a. Chatuan nun zia a  danglam hle mai. Nun daih zai a ni e, Lal Isua nun chu kan tan a chhenfakawm a, a daihzai em em bawk a ni. Chutiang a awm ve tur chuan ringtu in Krista thuneihna leh lalna amahah a phal zel tur  a ni.
 



 

19.05.2013

                                                                   PENTIKOS SERMON
                                                                              Tirh. 2:38

    Kan hriat \heuh angin Pentikos ni chuan zirtirhote chungah Pathian Thlarau  Thianghlim a lo thleng a, eng \awng nge kan hman tih pawh in hre hrang chuang lovin thu an sawi ta piap piap hlawm mai a, an thusawi hre phak a awm, ram hrang pakua lai a\anga \awng hrang hrang chi thum lai hmangte chuan,  an thusawi chu anmahni \awng ang \heuhvin an hre mai a, lehlin a ngai hauh lo.
   
    An han en a  an han hawi velin, Thusawi tute chu Galili ram lam a mi, mi chhe te te, mawl ve tak tak, \awng dang pawh thiam a an rin loh te an ni si a. Mahse an thusawi lehlin ngai lova an hriat \heuh si avang khan mak an ti a, an rin loh dawn chuan an bengin an hre tlat si a, rin loh theih ni hek lo.Amaherawhchu an rilru a khauh em avangin an hriat pawh chu an ring duh lova, anmahni an in ringhlel a, a tawp a tawp ah chuan ZU AN RUI a ni ange an ti thla ta rirawk a. Anmahni be phakin awm ila, “ A nih leh zu rui phun ami mai thusawi hi hnam hrang hrangin anmahni \awng ang \heuhin an hre ngai tawh emaw chu?” tiin kan zawt duh mai awm e. Han zawt ila, chhan har an ti fe in ka ring a ni- Pathian hnathawh a ni miau si a !

Petera erawh chuan a hre duh lo lui te chu a chhuahchhal zel a ti lovin, zaidam takin, “ Isua in khenbeha ngei kha, Pathianin a han chawimawi ta a, heng Thlarau Thianghlim hnathawh ropui leh mak takte hi a rawn tir a nih hi, Amah chu hmana kan thlahtu Israel te hruaitu kha a ni e,” tiin Pathian thu bul a\angin a han chhui a, a han hrilhfiah ta a. Tichuan a thu ngaithlatute chuan, Isua an lo tihhlum ami chu pawi an tiin, phuba a rawn  lak mai te pawh an hlau a ni ang e- Zirtirte hnenah chuan, “ Unaute u, engtinnge kan tih tak ang ?” an ti ta chul mai a.Chutah Petera chuan,” Sim ula, in sual ngaihdam nan Isua Krista hmingin baptisma chang \heuh rawh u, tichuan Thlarau Thianghlim pek hi in hmu ang. A tiam kha nangni tan pawh, in fate tan pawh, hla taka mi zawng zawng tan pawh, Lalpa kan Pathianin, a hnen a a koh apiangte tan a ni e,” a han ti ta mai a.
Chutah zet zawng, an rin leh an hlauh ang reng alo ni lova. Isua an khenbeh a ngei kha rin a, baptisma chan mai chu an tih tur alo ni tih an han hriat chuan an sim ta chum chum mai a, nikhat thil lekah mi sangthum ngawtin baptisma an chang a nih kha, ava ropui em !

    Sim tih thu hi bible-ah kan hmu tam hle a, thuthlung thar rawn in \an dawn laia baptistu Johana thusawi hmasak ber chu ‘ Sim rawh u ’ tih a  ni a ; chu thu bawk chu kan Lal Isuapawhin a rawn hmang ve leh a. Tunah Petera pawhin ‘Sim ula...’ tiina han sawi ve leh a ni.

    Aw le , sim chu engnge ni? ruk hmang emaw, in ngaih hmang emaw, dawt sawi hmang emaw leh zu ruih hmang emaw te chuan sim tur neiin kan ngai bikin, hetiang mi ni lo te chuan sim tur nei lem lovin kan ngai mai awm e. Chuti ni se, Johana te, Lal Isua te leh Petera ten sim rawh u ti a an sawi hian, chutiang mi sual ni a kan ngaih te hlir awm khawm hnenah em ni thu an sawi ni ta ang ? Hnai  lo ve, chutiang mihringin kan ngaihdan a misual ni a kan ngaih te hnenah chauh heng thu hi an sawi a ni lo, mi zawng zawng hnenah leh mi zawng zawng tan a ni an sawi ni. Ruk hmang emaw, in ngaih hmang emaw, sualna dang dang ti \hin ten an simsana an tih duh tawh loh ringawt hi Bible-in sim a tih chu a ni lo a ni.

    Adama thlaha piang mihring chu a pianzia reng a phuar vel a ni a. Fakna hla pawhin,” Ngai teh, khawlohna a dinin ka awm a, ka nun sualin mi pai a,” a tih ang khan, mihring chu a duhzawng kha Pathian do na lam hlir a ni a. Tirhkoh Paula chuan, “Tisa duhzawng chu Pathian dona a ni,” tiin alo sawi a nih kha. Chuvangin mihring mihrinna, khawlohna a din chuan Pathian a ti lawm thei lova, ngaihdamna chang thei pawh a ni hek lo.

   
                                               --------------------------------------------------------


 
7.04.2013

                                                                            NGAIHDAMNA

            Ngaihdamna hi thil pawimawh berte zinga mi a ni awm e. Pathian leh mihring inkarah a pawimawh ang bawkin, mihring leh mihring inkarah pawh a pawimawh a. Chhungkuaah pawh sengluh a nih loh chuan, inmihranna bak hmabak a awm thei lo. Ngaihdamna tel lovin ‘Pathian mi’ a nih theih lo va, Ngaihdamna tel lovin chhungkua a khawsakho theih bawk hek lo. Kohhranhovah ngei pawh hian ngaihdamna tel lo chuan rawng a bawl ho hleih theih loh a ni.  
        Ngaihdamna chungchang hi Bible-ah eng ang takin nge hman a nih a, eng ang taka hmun pawimawh luah nge a nih i lo en ho teh ang. Thlahtu Evi leh Adama te’n thil an tihsual lai khan ngaihdamna hi chelek a nih awm reng reng a lang rih lo va. “In ei chuan in thi ang, a tawh pawh in tawk tur a ni lo” tih a ni. A nih ang taka hman a nih chuan khawvel hian a dawl zo lova , ‘Bawhchhiatna fa’ kan lo nih phah zo ta a ni. Ngaihdamna chelek a nih loh avangin khawvel leh a chhunga awm zawng zawng te pawh chu Pathian anchhedawng kan lo ni zo ta a. Natna te, hlauhna te, tlakchhamna te, tahna te leh thihna te chu kan chanpuala lum a lo ni ta.          Amaherawhchu, Ngaihdamna hi chelek rih lo mahse, Khawngaihna lantir a ni thung a ni. Khawngaihna phei chu hmang lo se Pathian khan Adama te nupa kha tihlumin, a duh phawt chuan vaivut kha mihring dangah a din leh mai thei a ni. Adama te hun a liam a, mihringte chuan Pathian thu an âwih leh ta lova. Hurna leh khâwlohna leh inpawngnêkna in khawvel chu a lo khat leh zo ta a. Ngaihdamna an chan mai si loh avangin tuilêt rapthlak eltiang mai chu Nova hun lai khan a thleng leh ta a nih kha. Ngaihdamna tel lo chuan mihring tan pawh, ran tan pawh nun rual a ni lo. Zawlnei ropui Mosia te, Puithiam hmasaber leh ropui tak Arona te meuh pawh, Massa leh Meriba hmuna Lalpa an chawimawi loh avangin Ramtiam - Kanan thleng zo lovin an boral ve leh ta a nih kha.
    Ngaihdamna awmlohna hmun chu hmun tihbaiawm leh ralti a ni a, lungmuanna leh hlimna tak tak a awm thei ngai lova, Zawlnei ropui te meuh pawh an nun khawchhuah theih lohna hmun a ni. Israel Lal ropui Davida ngei pawh Pathianin ‘Ka rilru ang pu mi’ ti a duhsak taka Israel te lala a siam ni mahse, Pathianin a remtih loh chung pawhin a mite a chhiar a, sipai chakna leh ralthuamte a chapopui takah kha chuan Pathian hremna hmachhawn tur rapthlâk tak tak chi thum zet a hmaah chhawp chhuah a ni ta mai a nih kha! Keini Thangtharte hi thlahtute leh Lalpa Zawlnei ropuite ai khian kan fel bik em? An bawhchhiatna leh sualna angte khi ti ve lovin kan insum thei bik em le? Thei bik teh suh e. Pathian khawngaihna leh chhandamna te hrereng chunga awih duh lo leh bawhchhe thin, luhlûlnaa khatte kan ni. Chuti engtin nge kan tih tak ang? Lalpa Isuan heti hian a ti, “Mi an bawhchhiatte in ngaihdam chuan, in Pa vana miin a ngaidam ve ang che u. Nimahsela, mite in ngaihdam si loh chuan, in Pa in in bawhchhiatte a ngaidam bik lovang.”  tiin.
    Kan sualna leh bawhchhiatna tinrengte hi ngaihdam a nih theih nan \huthluang chunga lo nghah ngawt chi a ni lova, kan chunga thil tisualtute ngaidam thei hawt si lova Pathian ngaihdamna beisei ve ngawt chi lah a ni bawk hek lo. Mahni ngei chêt hmasak a tul a ni tih Pathianthu chuan min hrilh a ni. “Inkhawngaih tawna lainatna neiin awm ula, Pathianin Kristaa a ngaidam che u ang bawk i nin ngaihdam tawn rawh u.” (Ephesi 4:32) “Kan sualte thupha kan châwi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni.” (I Johana 1:9) a ti leh bawk a.
    Tichuan, kan sualna leh bawh chhiatna tinrenga ngaihdam kan nih theih nan kan tihtur Bible-in min hrilh ang hian ti ila, Ngaihdamna famkim Lalpa Isua avang chuan kan chang ngei ang.


                                                   ..................................................... 
 
    
24.03.2013

                                                        RINGTU NUN KIL KHAT |AWNG|AINA

    Ringtute hian nun chi tam tak an nei a, chung zing a pakhat chu \awng\aina hi a ni. Hei hian Pathian lama ringtu nun chu a kawk a ni. Hemi tello chuan ringtu nun chu a kim lo a ni. Tunlai hian mi \henkhat \awng\ai hlan pawh ngai ta lo hial khawp a ringtu nun in dah sang an awm a. Hetiang ngaihdan hi thlarau awmpuina leh Pathian min hriat chianna thu kal pui thui luat na a\anga lo piang ani a ng. Ringtu leh Krista inlaichinna \ha kal sual puina a ni e. |awng\aina thu a kan hriatreng tur pakhat chu Lal Isua nun en fo hi a ni. A Pa Pathian nena an inlaichnna chu a \ha hle chungin a Pa nen a inpawlna leh \awng\aina neih chu a tih fo \hin a ni. Ani mahin a Pa hnena a dil \hin chuan keini pawhin kan tih fo chu a  dik ang. Tin, a zirtirna pawh kan en chuan, a zuitute chu an \awng\ai fo tur a ni tih zirtirna kan hmu a ni. Lalpa \awng\aina, zanlai a \hian hnena chhang dil leh roreltu fello tehkhin thuah te kan hmu.
Tin, Tirhkoh Paula zirtirnaah pawh \awng\ai chu a \ul hle a ni tih a lang a, \awng\aina hi a apawimawh em avangin heng te hi i hre reng ang u.
1. Ringtu chu a \awng\aina ah a rinawm tur    Pathian hnenah dawt sawi suh tih hi a ni” a ti a. Sakhaw mi awm tak leh dan ang mai a \awng\aina hian thlemna kan tawk \hin a ni. Kan dil tak a, duhna tak tak nei si lo va a phaw vuaka \awng\aina hian awmzia a nei lo va, Pathian hmaa dawt sawi na a ni. Pathian chuan kan thinlung chungril ber a kan ngaihtuah te a hre fai vek a, kan duh tak tak l;eh tak tak loh chu a hre fai vek a ni.

    2. Kan \awng\aiah kan chiang tur  ani. Misual khawngaih thlak tak kan nih avang ngawt a Pathian ngaihdamna dil chu a tawk lovang. Pathian hmaah chuan kan sualna dik tak zel kan puang in ngaihdam kan dil tur  a ni. Chutiang bawkin Pathian thilpek kan dawn avanga a phaw vuaka ka lawm e ti a lawmthu hrilh ngawt pawh a tawk lo. Kan lawmna tak chua  chhan sawiin kan hrilh tuir a ni. Kan mamawh tak leh kan tlakchham tak chauh zel dil tur a ni. Mahni in enfiahna tello \awng\aina chu \awng\aina tak a ni thei lo.

    3. Pathian chuan a\ha ber chauh zel a hria tih hre reng ila- kan thil tih a kan hlawhchhamna ah Pathian kan mawh chhiat tur a ni lo. Pathianin  a\ha ber a hria a, kan hlawhtling a, kan hl;awh chham a ni zawk. ‘aw tih \um a nei a, aih tih \um a nei a, lo nghak rih rawh tih \uma  nei bawk a ni.

    4. Kan tih theihah Pathian chuan a ti lovang. |awng\aina chu kan chanpual kan tihna tur leh Pathian khawngaihna thawh dunna a ni. Harsatna pumpelh tur ringawt a dil hi a dik tawk lo. Kan theihtawp kan chhuahna  ah Pathian chhanna pawh kan hmu \hin a ni.

    5.Kan nun khawih thei thil, leilung dan chhungah kan \awng\aina chu a kal deuh ber tur a ni. He khawvel awmphung leh ziate hi kan inghahna  ni pakhat a. Mumal lo takin lo awm ta se la, buaina a awm mai dawn a ni. He kahwvel kalohung pangngai ti danglam tur a dil hi a dik chiah lo, Pathian chuana duh chuan ati thei ang.Tichuan \awng\aina chu harsatna leh buaina pumpelh tura dil ai chuan harsatna hnuaia chhel taka tuar thei tur a dil chu a dik hle zawk ang. Isua nun kha i en zel ang u. Eng ang dinhmun pawh a din theihna chakna neih theih hi \awng\aina raha  ni ngei a ni. Kristian te nun hian Krista nun leh awm dan a kal khum chuan a  dik lo a ni; Isua aia sanga in dah tur kan awm lo. Eng ang pawhin rinna lamah chuan sang mah ila Isua ai chuan kan sang chuang lovang.



                                           ..........................................................................

 
17.03.2013
                                                    HNEHTU NUN HLIMNA THURUK

.......chhel takin tuar hram hram la, kan Lal Isua hmingin hneh tum la, a thiltihtheihnaah innghat la, i hekna zawk emaw, i dikna zawkah emawah pawh khan i dikna a ni tih lant$r suh.......”

 Kan Lal Isuan khawvel a ngam a, a hneh dan tlemin ilo ngaihtuah hmasa teh ang. Kan Pathian lehkhabu chuan, “Amah a mite hnenah a lokal a, amah a miten an lo lawm si lo,” tih kan hmu a. Chutichuan rilru leh taksa lamah chuan hrehawm reng rengin, tlanna hna chu a lo thawk zo a, a hmelmate chuan a chungah an duhthusam an hlen zawh vek hnuin kan Lal Isua chu mualpho taka khenbehin a awm a. A hmelmate chuan hneh ni-a an inhriat laiin ani chu a thi a. A thawhleh hnuah a ni, a thil tih theihna chuan rah tam tak a chhuah ni. Chuti chuan, keini tunlaia Ama hnung zuitute pawh hi he khawvelah hian kan Lal Isua hna ringtuten kan chhunzawmna kawngah hian hrehawm tam tak kan tuar tur chu kan Lal Isua ngeiin a lo sawi tawh angin, nitin mahni kraws pua kan zui a tul a ni.
Chutichuan  unau duhtak te u, kan Lal Isua nena
kan lo inzawm a, Amah nena kan lo inneih hnuah hian kan khingpui pa Setana nen chuan kan inbuan dawn chauh a lo ni a. Chutichuan Setana chuan i \henawm hmangin emaw, i thian hmangin emaw, kan Kohhran chhung zinga mi ngei hmangin hna nasa takin a han thawk dawn ta a. Chutah chuan sawichhiatna emaw, elrelna in emaw, dik lo taka i dikna kha miten an ngaih hunah che chhel takin tuar hram hram la, kan Lal Isua hmingin hneh tum la, thiltihtheihnaah innghat la, i hekna zawk emaw, i dikna zawkah emawah pawh khan i dikna a ni tih lant$r suh.

    A rukin i Pa Vana miin a hria tih hriain Amah hmachhuanin chhel takin tuar hram hram la, i khingpui chu hneh nei awma an in hriat laiin nang chu thiam loh hmin der ni a i lan hunah nangmah pawhin tuar harsa i ti em em thei e. I dikna te leh i felna te chu tarlan i ch^k em em thei a, mahsela Lal Isua hmingin tuar hram hram la, i tuar chhuah hunah chuan nangmahah khan nun hlimna thuruk chuan rah tam tak a chhuah tawh ang a, sam ziaktuin a sawi angin, “A ni chu tui luang kianga thing phun, a hun t> a rah \hin, a hnah pawh uai ngai lo ang hi a ni a, a thiltih apiang chu a hmuingil z>l ang,” chutah chuan a ni, i lawmna chu Lalpa danah a ni ang a, a dan thuruk nun hlimna chu i lo chen tawh ang a, i felna te Lalpa i hmangaihna par zu te chu mi tam takin an la d^wt ve dawn a ni.

    A niha kan nih a, a raha kan rah dikin, kan taksa ngei hian a tawna kan tawn a, a hmana  kan hman tak tak chauhin a ni ringtute hnehna nun hlimna thur<k chu keimahniah hian hriattira a awm dawn ni.

    Aw,  chhiartu duh takte u, i nun ngei khan tun a\ang hian, i nunah han hmang chhin teh, i taksa ngei khan han tawng dik teh. Amaherawhchu, Lal Isua hming ngeiin chu chu hneh la, hmang dik la, chuti a nih loh va, nangmaha mihring dawhtheihna mai mai ni lovin, Lal Isua hmingin ni zawk r^wh se. Chutah zet chuan a ni,  hnehtu nun hlimna thur<k chu a hmana i hman tawh dawn ni.  


                                                    ...............................................................


03.03.2013

                                                           SUAL SIM CHU NUNNA A NI
                                                           Luka 13:15; Matthaia 3:1; 4:17

    Sualna palzut chuan nunna a ngainep a ni. Miin nunna a ngaihhlut chuan sual a ngaithei lo. Mi tam tak chuan mahni nunna tura pawi tur tih hrerengin an tih lai sual an bansan phal lo. An nunna an ngaihnep tawh avangin an chin \hin \ha lo pawh an bansan phal lo a ni. Petera chuan, “Nunna hmangaih duh leh ni \hate hmuh duh chuan sual lakah a lei veng \ha sela,  a hmui pawh ngamthlemna thu sawi lo turin veng \ha rawh se,” tiin a sawi. Lal Isuan, “ Ei tur aiin nunna a thupui zawk lo vem ni?” tiin min hrilh. Pathian thu kan pawisak loh avanga kan boralna hi a va tam tawh tak em! Mi \henkhat chuan an ei leh in tur an lungkham tlat avangin an nunnain a tuar a, an boral phah \hin a, an boral mek bawk a ni. Kan taksa nunna chungchang maiah pawh  kan ei leh in tur ai chuan kan nunna a pawimawh tih Pathian thuin min hrilh a nih hi.

    Mi a chuan, “ Ka nunna ka hmangaih alawm,” tiin a duhzawng apiang a ei a, a in a, a ti \hin a ni. Mi a kan va tam awm em! Kan nunna chungchang kan ngaihthah avangin kan sual tih lai mek pawh kan ngaimawh thei lo va, kan chak leh duhzawngin nun kan tum a,chhiatna zual zawkah kan intal lut lui zel a nih hi.

    Mahni taksa nunna pawh kan hlamchhiah duh a, a boral kan hlau lo a nih chuan kan thlarau nunna phei chu kan va hlamchhiah nasa leh zual dawn em! Petera sawi angin nunna hmangaih duh chuan sual sim a duh a, nunna hmangaih duh lo erawh chuan a sualna sim a phal lo a lo ni reng mai.

    Lal Isuan, “ In sim loh chuan in boral vek ang,” a ti. Sim loha boralna a nih chuan sim chu nunna a ni nghal tihna a ni. Sual simna \obul chu nun thar pek, thinlung thar siamsakah a innghat a ni.

    Simna tak tak chu hawi kir hlauh tiin an sawi \hin. Kan sualna a\anga hawikir tur chuan nun thar a ngai a ni tih Bible-in min hrilh. Simna chu sual pawi tiha inchhirah a tawp ve mai lo. Nun thar neia thinlung thar put a ni zawk. Mihringin Pathian a hnaih a Pathian lama a kir dawn chuan simna chu tihmakmawh a ni.A sim tur chu an thil chin \hin emaw a thiltih dik loh inchhira sim emaw mai a ni lo. Nunna thlaksak, Krista nunneihah simna chu a in\an zawk a ni.

    Lal Isuan, “ Sim rawh u, Van ram chu a hnai tawh si a,”tiin a sawi \hin.Engnge kan sim ang? Kan sualna chu kan sim tur a ni. Kan sualna chu engnge a nih? Pathian \ih lohna chu kan sualna in\anna a lo ni leh a, tichuan, sual simna chu Pathian rinna nen a kal kawp lo thei lo va, lak hran hleih theih a ni lo.Pathian rinna chuan sual simna a keng tel nghal a ni. Chutiang bawkin sual sim duh lotu chuan Pathian rin a duh lo tih a hriat theih nghal mai bawk a ni.Sual simna chu Pathian rama luh nana pawimawhzia Baptistu Johana leh Lal Isuan chiang takin min hrilh a ni. Pathian rinna avanga sual kalsanna erawh chuan thlarau nunah, thuk takah, ringtu a tihlim a, a tilawm a, Chanchin |ha mi dangten an dawn phah \hin a ni.

                                            -------------------------------------------------------------

20.01.2013

                                                             KUMTHAR THUCHAH

    Mizoram hi kan vannei hle, a tu ate mai pawh hi khawvel hriatna leh finna kawnga changkang tak tak, Thlarau nunah pawh Pathian thu hria leh sawi thiam tak tak, mi dangte tana malsawmna ni thei khawpa Pathian thutak hriatnaa chiang tak vek kan nih hlawm avangin he kumthar kan hman mek atana thuchah thui tak inchah a ngai lo thei awm e. Engpawh ni se, kan thlen chin a\anga hmasawn zel tur kan nih avangin \an kan lak tlanna tur, hma kan sawnna tur nia ka ngaih pawimawh tlem kan in chah dawn a ni. Ringtu chu rinawm tur kan ni tih kan hre \heuh ang a, chu rinawmna chu rawngbawltute tan chauh ni lovin Lal Isua ringtu zawng zawngte mawhphurhna a ni. Kuminah roreltu tur MLA kan thlang dawn. Kohhranin ti tura min duh leh kan inzirtirna te hre reng turin kan inchah hmasa ni se. Pathianin mihring min siam chhan ang ngeia ama tana rinawm leh chawimawi hi kan bat a ni. Kan din chhan leh thiltumte hi nun leh thiltihin Kohhranah lan chhuahtir ngei tum ila, rah ropui leh hlu tak a chhuah ngei ang.Kohhrana kan rinawmna tur kawng thum tawi teiin chhui ila.
Thuawihnaah: Kristan a pa thu a awiha a hlenchhuahna azara chatuan nun changtu te kan ni tih hre rengin min hruaitu atan Pathian min pek kan Kohhran hruaitute thu awih leh thu zawm kawngah mi tinten zual zawka kan rinawmna lanchhuahtir tum ila,a nuamin a va ropui dawn em!
    Kohhran kal dan zawm: Kan Kohhran hian kal dan mumal tak avangin rawngbawlna hlen chhuak turin \an a la reng a, Pathian hruaina azarah a hlawhtling hle bawk. Khawvel finna, thiamna leh changkanna hmanga Kohhran kal dan leh a rawngbawlna nawr kal tumna apiangah Kohhran thlarau nun a rovin a chau zel em ni awm tih theihin a awm. Chutah chuan kan kalhmang leh duh dan aia Pathiana inpekna thuk zawk nen Kohhran kalhmang leh tih danah hian kan rinawmna lantir zual ta ila, kan Kohhran thlarau nun hi a takin a chak zawk ngeiin a rinawm.

    Inpekna: Thlarau nun a hlima zai a nawm chuan kan hlim tlang a, a nuam hle \hin. Hetiang renga awm theih a nih loh rualin heng ang huna kan inpek ang hian Nilai zan,inrinni zan inkhawmah te hian rinawm zawkin lanchhuahtir ta ila, kan inkhawm tin mai hi a nuamin chung chuan mi hlate a va pawh hnaih pawh a rinawm. Kohhrana rinawmna kan lanchhuahtir hi intihsiakna \ha, chhel taka kan hlenchhuah tur leh kan rinawmna lanchhuahna tur ngei chu a ni mai lo maw? Kohhranin mahni intichaka, thlarau bo hruai chhuak tura ram thim ram ro a sut mek naah hian keiniho hi a hmanraw \angkai leh pawimawh berte kan ni si. Heng kan sawi tak point tlemte a\ang hian ringtute hian kumin hian kan thlen chin a\anga hmasawnin kan rinawmna, nun leh thiltihin, nasa zawka lanchhuahtir tum \heuh ila,Kohhran hnathawh pawh tihpuitlinin a awm ngei ang.

                                               ............................................................

30.12.2012
                                                            THAWNTHU TAWI

     Tlang pakhatah hian thing pathum hi an awm a, an zingah chuan an \hanlen huna nih an chak an sawi ve nasa \hin. Thing pakhatna chuan “ Engtikah emaw chuan ro hlu an dahna thingrem atana siam nih ka duh ber mai. Tichuan, rangkachak leh lunghluin min tikhat ang a, keimah pawh mawi takin min chei se..” tiin a duhthusam a sawi \hin. Thing pahnihna chuan, “ Lawng ropui takah min tuk se, Lal leh mi ropui tak takte khawvel hmun hrang hranga hruaitu nih ka duh,” tiin a sawi ve bawk a. Thing pathumna chuan, “ Khawvela thing  sang ber leh ngil ber nih ka duh, tichuan min hmutu apiangin vanram leh Pathian ka hnaih bik zia an hmu thei dawn a ni,” tiin a sawi bawk a. 
Tichuan, chung thing pathumte chu an lo \hang lian zel a, thingkittute mit an la ta hle mai. Thingkittu chuan an belhchian chuan thing hmasa ber chu, “He thing chu a \ha hle mai, thingrem siamtu hnenah hralh tur a nih hi,” a ti a.  Thing pakhatna chuan, “ Ka duh ang ngeiin ro bawm atan min siam dawn a nih hi,” tiin a lawm rilru hle mai a.
   
    Thingkittu chuan thing pahnihna chu a hmuhin, “ He thing chu a tlo hmel hle mai, lawng tukna hmunah hralh tur a nih hi,” a ti leh a. Thing pahnihna chuan a duhthusam thleng dawn ngeia a hriat avangin a lawm hle bawk. A pathumna an rawn hnaih chuan thing chu hlauhnain a khat a, an kih chuan a duhthusam a thleng ve thei dawn lo tih a hriat vang a ni. Mahse, an kih hnu chuan thingkittu chuan, “ He thing chu han hralhna tur mai ka hre lo, zai ila, dah \ha phawt mai teh ang,” a ti ta a.

    Hun a liam zel a, thing pakhatna chu a beisei loh deuh maiin ran chaw pekna atan an siam a, a chhungah rohlu ni lo in buhpawl an dah ta a. Thing pahnihna pawh chu lawng siamnaah chuan lawng ropui tak ni lo in Sangha manna lawngah an tuk ta daih mai a. Thing pathumna chu hmanna tur mai an hriat loh avangin an zai phel phawk phawk a, an dah \ha ta a.

    Nikhat chu ran inah chuan nupa tuak khat hi an lo kal a, a hmeichhia chuan nau a neih tak mai avangin ran chaw pekna thlengah chuan an muttir a, thing pakhatna chuan a chhunga mu chu khawvela ro zawng zawng aia ropui leh hlu a nihzia a hre ta hlauh mai a. Kum tam tak hnuah chuan thing pahnihna a\anga siam sangha manna lawngah chuan mi \henkhat an rawn chuang a, an zinga pakhat chu a hah em avangin a muhil a. Tui chunga an kal mek lai chuan thlipui nasa a lo thawk a, lawng atana an tuk tak thing pawh chuan  a mi phurhte chu chhanhim zo dawnin a hre tawh lo, mahse, muhil chu a lo tho a, “Ngawi rawh u” a tih hnu chuan thlipui pawh a reh ta mai a ni. Chumi hunah chuan thing chuan Lal pangngai ni lo, Lalte Lal a phur tih a hrechhuak ta.
   
    Nakinah chuan thing pathumna an dah \hat chu an rawn la chhuak ta a, khawlaia put kual hrep niin thing putu chu a kalna lam apiangah diriam leh hmusit takin an lo au el a ni.An tumna hmun an thlen chuan thing putu chu thing a\anga an siam Kross-ah chuan an khengbet ta. Chawlhni tuk a lo thlen chuan thing chuan tlang chhipa dingin Pathian a hnaih theihtawpna hmunah a awm tih a hre ve ta bawk.

    Kan damchhung hian tih tum leh duthusam chu kan nei vek a, kan duh loh dan ang deuha thil a kal pawh hian Pathianin kan tan rem a ruat \hin tih kan hriatreng a \ha a ni. Heng thing pathumte hian duhthusam chu an hlen chhuak ta ngei a, mahse an beisei loh dan ang vekin a ni thung. Pathianin ro min rel sak dan hi kan hriat phak a ni a, kan duh loh dan pawh ni mahse, a duh dan ang hi a lo \ha ber zawk \hin a ni. 

                                       ..............................................................................

Dt 23.12.2012

                                      ‘Kan tan naupang a lo piang a, Fapa pekin kan awm ta a’
                                                                           (Isaia 9:6)

                                                  KAN DAM NANA PIANG- LAL ISUA

    Lal pian hun champha kan thleng leh dawn ta. Thu chhiar ngai leh hla sak ngai te sain hun kan hmang leh ang a; puitling zwk tan chuan ngaia neih mai pawh a awl dawn a nih hi. Kutni vangthla ang maia he hun kan hman \hin hian kan nunah Krismas tak a thlen lo thei hle tih hre reng chungin kumin Krismas chu a tak ngeia hman tum ang aw!

    Kan nau te chuan fanu an awt em em mai a. A pathumna atan fapa bawk an nei leh a, ‘Fanu chu ni se ropui taka lawm ka tum asin le’ an ti a. Fapa peka an awm khan an lawm vak lo. ‘Kan tan naupang a lo pianga, fapa pekin kan awm ta’ tih te hi an tan a lawmawm zawnga hriatthiam a har ang em aw ka ti \hin. Pathian zarah fanu pawh an nei ta ngei a, an lawm hle mai.‘Ka fanu’ ‘Ka fapa’ te hi kan han ti \hin a. ‘Ka tunu’ ‘ka tupa’ tia ta neihin, an lo pian hian kan lawm khu chung \hin tak na a, hun a lo kal zel a ‘kan ta’ an ni lo tial tial emaw tih tur a lo ni leh \hin. Fanu awt tak nei a hlimte pawh khan huna lo kal zel a, nu leh pa aia hmangaih leh nu leh pa kalsan duh khawpa hmangaih dangan han nei a. Mizo \awngah phei chuan ‘kan hralh ta’ te kan ti liam mai mai a. kan ta a lo ni lo leh mai \hin.

Fapa te chu ro tling zawkah kan ngai pawh a ni thei e. An taksa kawl zui reng mah ila an chungah kan thu lo tial tial a, kan duh zawng aiin an duh zawng a pawimawh zawk hnuah keini aia inti neitu zawk nupui an han nei  a, keini aia ngaihsak zawk tur leh duat ‘number one’ fanauin an han chim buai meuh phei chuan an fate kan duatpui bak chu kan ta leh kan thuhnuaia an awma chu a tlem tawh \hin khawp mai.

    Nula leh tlangval te pawhin kan induh luatah ‘I ta ka ni, ka ta i ni’ kan lo intih pawhin indem rual chu a ni lo chung hian tu ta nge kan ni tih leh ‘ka ta’ a ni tak tak em tih chu a lo lang chiang dawn khawp mai. He dam chhungah ngei pawh hian hmana ka ta nia ka ngaih te kha mi ta a lo ni leh tawh a, min neitute pawh kum sul liam hian a rawn thlak danglam leh mai \hin chu a nih hi. Kan la duh ngawih ngawihte pawh kan nei reng thei lo a ni ang ‘Piang lo zawk la kei ka dam mahna,’ ‘Lung min hersan mai le’ tiin kan tate thlahna kan phuah kur leh luk mai zawng a nih hi.

    Piang lo zawk atana kan ui reng tur, khawvel kan tan nau lo piang awmchhun chu Lal Isua chauh hi a lo ni e! Pian chhan dang nei miah lo, kan dam nana lo piang a ni a, i tan leh ka tan a va hlu tak em! Khawvel \hiante leh hmangaihten min kalsan hun pawha kalsan ngai lo tur, miin min duh loh hunah pawh min pawm reng tur, kan hrehawm leh kan chhiat ber lai pawha min awmpuia, a tuarna hmanga min thlamuantu tur ‘kan dam nana piang’ ti a kan pan theih reng tura min hmangaihtu a ni.

    Khawvela lo piang dang reng reng kan ta anga kan ngaih leh mi ta anga kan ena kan chan phak loha kan ngaihte pawh kan tana piang reng an lo awm lo. Kan tan emaw kan tih ho zawng zawngte hi kan tana piang tak tak leh min neitu tak tak an lo awm hauh lo mai. Kan tana naupang lo piang, fapa kan hnena pek awm chhun chu Lal Isua chauh hi a ni a, a hmangaihna ata chu thihna in emaw, retheihnain emaw, tuarnain min \hen ve dawn lo va. Thihna kut vawtin min vawn niah pawh ata kan ni
   

        Fapa te chu ro tling zawkah kan ngai pawh a ni thei e. An taksa kawl zui reng mah ila an chungah kan thu lo tial tial a, kan duh zawng aiin an duh zawng a pawimawh zawk hnuah keini aia inti neitu zawk nupui an han nei  a, keini aia ngaihsak zawk tur leh duat ‘number one’ fanauin an han chim buai meuh phei chuan an fate kan duatpui bak chu kan ta leh kan thuhnuaia an awma chu a tlem tawh \hin khawp mai.

    Nula leh tlangval te pawhin kan induh luatah ‘I ta ka ni, ka ta i ni’ kan lo intih pawhin indem rual chu a ni lo chung hian tu ta nge kan ni tih leh ‘ka ta’ a ni tak tak em tih chu a lo lang chiang dawn khawp mai. He dam chhungah ngei pawh hian hmana ka ta nia ka ngaih te kha mi ta a lo ni leh tawh a, min neitute pawh kum sul liam hian a rawn thlak danglam leh mai \hin chu a nih hi. Kan la duh ngawih ngawihte pawh kan nei reng thei lo a ni ang ‘Piang lo zawk la kei ka dam mahna,’ ‘Lung min hersan mai le’ tiin kan tate thlahna kan phuah kur leh luk mai zawng a nih hi.

    Piang lo zawk atana kan ui reng tur, khawvel kan tan nau lo piang awmchhun chu Lal Isua chauh hi a lo ni e! Pian chhan dang nei miah lo, kan dam nana lo piang a ni a, i tan leh ka tan a va hlu tak em! Khawvel \hiante leh hmangaihten min kalsan hun pawha kalsan ngai lo tur, miin min duh loh hunah pawh min pawm reng tur, kan hrehawm leh kan chhiat ber lai pawha min awmpuia, a tuarna hmanga min thlamuantu tur ‘kan dam nana piang’ ti a kan pan theih reng tura min hmangaihtu a ni.

    Khawvela lo piang dang reng reng kan ta anga kan ngaih leh mi ta anga kan ena kan chan phak loha kan ngaihte pawh kan tana piang reng an lo awm lo. Kan tan emaw kan tih ho zawng zawngte hi kan tana piang tak tak leh min neitu tak tak an lo awm hauh lo mai. Kan tana naupang lo piang, fapa kan hnena pek awm chhun chu Lal Isua chauh hi a ni a, a hmangaihna ata chu thihna in emaw, retheihnain emaw, tuarnain min \hen ve dawn lo va. Thihna kut vawtin min vawn niah pawh ata kan ni
   

        Fapa te chu ro tling zawkah kan ngai pawh a ni thei e. An taksa kawl zui reng mah ila an chungah kan thu lo tial tial a, kan duh zawng aiin an duh zawng a pawimawh zawk hnuah keini aia inti neitu zawk nupui an han nei  a, keini aia ngaihsak zawk tur leh duat ‘number one’ fanauin an han chim buai meuh phei chuan an fate kan duatpui bak chu kan ta leh kan thuhnuaia an awma chu a tlem tawh \hin khawp mai.

    Nula leh tlangval te pawhin kan induh luatah ‘I ta ka ni, ka ta i ni’ kan lo intih pawhin indem rual chu a ni lo chung hian tu ta nge kan ni tih leh ‘ka ta’ a ni tak tak em tih chu a lo lang chiang dawn khawp mai. He dam chhungah ngei pawh hian hmana ka ta nia ka ngaih te kha mi ta a lo ni leh tawh a, min neitute pawh kum sul liam hian a rawn thlak danglam leh mai \hin chu a nih hi. Kan la duh ngawih ngawihte pawh kan nei reng thei lo a ni ang ‘Piang lo zawk la kei ka dam mahna,’ ‘Lung min hersan mai le’ tiin kan tate thlahna kan phuah kur leh luk mai zawng a nih hi.

    Piang lo zawk atana kan ui reng tur, khawvel kan tan nau lo piang awmchhun chu Lal Isua chauh hi a lo ni e! Pian chhan dang nei miah lo, kan dam nana lo piang a ni a, i tan leh ka tan a va hlu tak em! Khawvel \hiante leh hmangaihten min kalsan hun pawha kalsan ngai lo tur, miin min duh loh hunah pawh min pawm reng tur, kan hrehawm leh kan chhiat ber lai pawha min awmpuia, a tuarna hmanga min thlamuantu tur ‘kan dam nana piang’ ti a kan pan theih reng tura min hmangaihtu a ni.

    Khawvela lo piang dang reng reng kan ta anga kan ngaih leh mi ta anga kan ena kan chan phak loha kan ngaihte pawh kan tana piang reng an lo awm lo. Kan tan emaw kan tih ho zawng zawngte hi kan tana piang tak tak leh min neitu tak tak an lo awm hauh lo mai. Kan tana naupang lo piang, fapa kan hnena pek awm chhun chu Lal Isua chauh hi a ni a, a hmangaihna ata chu thihna in emaw, retheihnain emaw, tuarnain min \hen ve dawn lo va. Thihna kut vawtin min vawn niah pawh ata kan ni
   

        Fapa te chu ro tling zawkah kan ngai pawh a ni thei e. An taksa kawl zui reng mah ila an chungah kan thu lo tial tial a, kan duh zawng aiin an duh zawng a pawimawh zawk hnuah keini aia inti neitu zawk nupui an han nei  a, keini aia ngaihsak zawk tur leh duat ‘number one’ fanauin an han chim buai meuh phei chuan an fate kan duatpui bak chu kan ta leh kan thuhnuaia an awma chu a tlem tawh \hin khawp mai.

    Nula leh tlangval te pawhin kan induh luatah ‘I ta ka ni, ka ta i ni’ kan lo intih pawhin indem rual chu a ni lo chung hian tu ta nge kan ni tih leh ‘ka ta’ a ni tak tak em tih chu a lo lang chiang dawn khawp mai. He dam chhungah ngei pawh hian hmana ka ta nia ka ngaih te kha mi ta a lo ni leh tawh a, min neitute pawh kum sul liam hian a rawn thlak danglam leh mai \hin chu a nih hi. Kan la duh ngawih ngawihte pawh kan nei reng thei lo a ni ang ‘Piang lo zawk la kei ka dam mahna,’ ‘Lung min hersan mai le’ tiin kan tate thlahna kan phuah kur leh luk mai zawng a nih hi.

    Piang lo zawk atana kan ui reng tur, khawvel kan tan nau lo piang awmchhun chu Lal Isua chauh hi a lo ni e! Pian chhan dang nei miah lo, kan dam nana lo piang a ni a, i tan leh ka tan a va hlu tak em! Khawvel \hiante leh hmangaihten min kalsan hun pawha kalsan ngai lo tur, miin min duh loh hunah pawh min pawm reng tur, kan hrehawm leh kan chhiat ber lai pawha min awmpuia, a tuarna hmanga min thlamuantu tur ‘kan dam nana piang’ ti a kan pan theih reng tura min hmangaihtu a ni.

    Khawvela lo piang dang reng reng kan ta anga kan ngaih leh mi ta anga kan ena kan chan phak loha kan ngaihte pawh kan tana piang reng an lo awm lo. Kan tan emaw kan tih ho zawng zawngte hi kan tana piang tak tak leh min neitu tak tak an lo awm hauh lo mai. Kan tana naupang lo piang, fapa kan hnena pek awm chhun chu Lal Isua chauh hi a ni a, a hmangaihna ata chu thihna in emaw, retheihnain emaw, tuarnain min \hen ve dawn lo va. Thihna kut vawtin min vawn niah pawh ata kan ni
   

        Fapa te chu ro tling zawkah kan ngai pawh a ni thei e. An taksa kawl zui reng mah ila an chungah kan thu lo tial tial a, kan duh zawng aiin an duh zawng a pawimawh zawk hnuah keini aia inti neitu zawk nupui an han nei  a, keini aia ngaihsak zawk tur leh duat ‘number one’ fanauin an han chim buai meuh phei chuan an fate kan duatpui bak chu kan ta leh kan thuhnuaia an awma chu a tlem tawh \hin khawp mai.

    Nula leh tlangval te pawhin kan induh luatah ‘I ta ka ni, ka ta i ni’ kan lo intih pawhin indem rual chu a ni lo chung hian tu ta nge kan ni tih leh ‘ka ta’ a ni tak tak em tih chu a lo lang chiang dawn khawp mai. He dam chhungah ngei pawh hian hmana ka ta nia ka ngaih te kha mi ta a lo ni leh tawh a, min neitute pawh kum sul liam hian a rawn thlak danglam leh mai \hin chu a nih hi. Kan la duh ngawih ngawihte pawh kan nei reng thei lo a ni ang ‘Piang lo zawk la kei ka dam mahna,’ ‘Lung min hersan mai le’ tiin kan tate thlahna kan phuah kur leh luk mai zawng a nih hi.

    Piang lo zawk atana kan ui reng tur, khawvel kan tan nau lo piang awmchhun chu Lal Isua chauh hi a lo ni e! Pian chhan dang nei miah lo, kan dam nana lo piang a ni a, i tan leh ka tan a va hlu tak em! Khawvel \hiante leh hmangaihten min kalsan hun pawha kalsan ngai lo tur, miin min duh loh hunah pawh min pawm reng tur, kan hrehawm leh kan chhiat ber lai pawha min awmpuia, a tuarna hmanga min thlamuantu tur ‘kan dam nana piang’ ti a kan pan theih reng tura min hmangaihtu a ni.

    Khawvela lo piang dang reng reng kan ta anga kan ngaih leh mi ta anga kan ena kan chan phak loha kan ngaihte pawh kan tana piang reng an lo awm lo. Kan tan emaw kan tih ho zawng zawngte hi kan tana piang tak tak leh min neitu tak tak an lo awm hauh lo mai. Kan tana naupang lo piang, fapa kan hnena pek awm chhun chu Lal Isua chauh hi a ni a, a hmangaihna ata chu thihna in emaw, retheihnain emaw, tuarnain min \hen ve dawn lo va. Thihna kut vawtin min vawn niah pawh ata kan ni
   

                                                                   ....................................................... 
  
Dt 16.12.2012

                                                                    I THU ANG ZELIN

    Tin, Marin, “Ngai teh, Lalpa bawinu ka ni, i thu ang zelin ka chungah thleng
rawh se,” a tia. (Luka 1:38)

    Khawvel hun inher zelah min chhandamtu Lal Isua Krista, thianghlim, sualna nei lo, nang leh kei avanga sualna zawng zawng phur chhuak tura khawvela mihringa a lo channa, khawvel mite anga a pianna champha chu kan thleng leh dawn ta reng mai. Vawi eng emaw zat chu Krismas lawmin hun kan lo hmang tawh. Kumin 2012 Krismas pawh dam takin Lalpa zarah kan hmang thei turah beisei ila. Krismas kan hman dan erawh chu, kan rilru a danglam angin a in anglo hlawm hle \hin. Sual phuarna hnuai a\anga Krismas lo hmang tawh \hinte pawhin Krista khawngaihna hnathawh piantharna an chan tak avangin Krismas tak tak kan hmang turah ngai ila. Krismas hmang tura inbuatsaih mek ten kan rilru hi huau huau leh hep hep lam ni lovin, Isua nen Krismas tiin hmang \heuh ila, a va han nuam dawn em!

Rilru thianghlim nen: Kristian nun chu inngaihtlawmna tak tak, thuawihna famkim nen inzawm tlat a ni a. Krista pawh kha thi khawp hiala thuzawm a nih kha.Mari pawh hi a inngaitlawm hle, amah ngeiin bawi/chhiahhlawh ang lek a nihzia a puang ngam a. Nula fel leh thianghlim, se se a thu lak ching lo, \hiante rel ngai lo, mi huatthu sawi hlau \hin, chung zawng zawng aia Pathian thu ngaihthlak leh Pathian biak dah pawimawh ber \hin, inhauh aia tlawm zawk nih hreh lo nun nei, inngaitlawm tak a ni awm e. A ma hrehawmna tur leh a mualphona turte, mi rel a hlawhna tur te a ngaihtuah lo va. Pathianin a hnena a sawi ang apiang chu thuawihna leh inngaihtlawmnaq rilru thianghlim chuan a lo dawngsawng mai a ni. Rilru leh ngaihtuahna vawng thianghlim leh inngaitlawm a nih avangin a hnenah Krista chu a rawn inlar ta a ni.Mi inngaitlawm Krista-a innghat te Lalpan a theihnghilh thei lo, a enkawlin a veng tlat \hin.

    Mahni inbih chiang hmasa lova kan rilru chapo \hin te, \henawmte tihhmingchhiat tuma dawt sawi te, aia neinung zawk te itsikna rilru bawlhhlawh kan neih te, sual hnathawh tihpuitlin kan duh \hinna te hi, Isua Krista pian cham kan lawm a\ang hian ngaihtuahna thar,Krista rilru \awmpuina nen kan hman a pawimawh hle. Kan haut \hinte hmangaih turte, kan itsik \hinte duhsakna hun atan te, kan nun bawlhhlawh thin Krista avanga siam thara, Krista zui tura tihthianghlimna nun \awmpuina nen, mite tana malsawmna nih te nen Isua hnenah, “I thu ni se,” kan tih zel theih a pawimawh hle.

                                                                     ......................................

Dt 9.12.2012

                                                                   “HUN HLU KRISMAS”
                                                                        (Lk. 2:14; Phil. 2:6)

    Krismas a lo thleng leh dawn ta reng mai. Khua  alo vawt a, thlasika par \hin pangpar chi hrang hrangte an lo par \an a; kut hnathawktute’n  kumkhata kan thawh rah kan han seng a, zirlaite pawhin kum tawp kan zo fel a, pisa kaite tan pawh Krismas leh kum thar chawlh nghahlelawm tak a awm bawk a, engkim mai hi hlimawm dawn riau hian a hriat a ni, Hmun hla taka a\ang pawhin a hmun ngei a ‘mas’ hman tumin mahni hmun \heuh kan pan vang vang hlawm a, nuam ve deuh a ni. He ti taka kan hlimpui Krismas hi kan ngaihtuah chiang ngai em? 

Krismas hi Isua Birthday a ni kher lo. December 25 hi hmanlai a\angin Kristiante’n khawvel chhandamtu lo  pian lawmna ni atan kan hmang \hin a. Kohhran hmasa lam hunah chuan Lal Isua pian ni chungchangah ngaihdan a inang lo hlawm a. Kohhran pate kan tih zingah pawh ngaihdan inpersan nasa. Amaherawh chu kum zabi lina vel a\ang chuan December 25 hi Krista lo pian lawmna atan kohhranin a hmang nghet ta a ni. A pawimawh ber chu birthday hman dik aiin Isua Krista, min chhandam tura Pathian mihringa a lo chan lawmna hi a ni.

    Krismas kan hman min kaihruaitu atan hengte hi hmang thei ila a va \ha dawn em!

    1) Krismas hi Pathian chawimawina hmunpui a ni :  “Chungnungberah Pathian ropui takin awm rwh se” tia van miten Pathian an chawimawi kha kan thinlungah lo ri thar leh teh se. Pathian fapa khawvel hrehawm tuar tura a inpekna kan lawm  a ni.  Kan theihtawpa Pathian kan chawimawina hun a ni. Krista avanga kan lawmna chu chawimawinain luang chhuak mawlh rawh se

    2) Krismas Inremna hun a ni :  Krismas hi van leh khawvel inrem tawh lo inrem lehna tura Pathian chet chhuahna ropui a ni a. Chuvangin Krismas hi inremna hun atan in hmang ang u.

    3)  Krismas hi midangte tana inpekna hun a ni.: krismas kan lawm theih chhan ber chu Krista inpekna a ni a. Chuvangin Krismas hi kan tana Krista a inpe anga midangte tana kan inphal vena hun leh midangte chunga malsawmna thlentu kan nihna hun remchang a ni tih i hre thar ang u.

    4)  Krismas hi Krista tlawmna nun kan zirna tur a ni: Lal Isuan Khawvel chhandamna hna a thawh \anna chu tlawmna a ni, Thuthlung Thar thu mawi ber chu Krista inngaihtlawmna thu hi a ni.  hei hi krismas thu laimu pawh a ni. Lal Isua hian khawvel chhandam tur hian ropui taka lal anga lo piang a. lal\huthleng leh dinhmun sang a thlang lo a,khuabuk \ha pawh a chang ve hek lo. Chu Krista tlawmna chu ringtu nun hruaitu bulpui nise, Krista rilru pu chu kan lo ni dawn a ni. Krismas hi chu Pathian chawimawina hun, mi dangte tana inpekna hun atan leh Krista tlawmna nun zirna hun atan hmang ila, Pathian khawingaihna a zarah hun hlu Krismas a ni ngei ang 


                                                            ...............................................

Dt 2.12.2012

                                           LALPA CHU PATHIAN A NI TIH HRE RAWH U”
                                                             (Sam 103:3; Exodus 20:3)

    Pathian betu zawng zawngte hian kan biak Pathian chu tunge ni a klan hriat tih hi kan biak dan leh kan nun danah a lang nghal \hin. Hindu te chuan Pathian an biak in an zah em em \hin a, a chhan chu Pathian an biaka chu zahtlak Pathian nia an hriat vang a ni. An sakhaw puithiam leh sakhaw mi tamtak ten an nun tihhrehawmin khawvel thihsan an tum \hin a, a chhan chu an Pathian chu khawvel leh a nawmna aia belhtlak nia an hriat vang a ni. An biak Pathian an hrioat dan chu an nunah a lo lang chhuak \hin a ni. Mosolman-te pawh hian pathian ‘Allah’ chu lalber leh roreltu nia an hriat avangin, a thu ang zela awm turin an nun pumpui an tuklut tawp mai a . An pathian chu(guran)in ti tura an phut hlen chhuak tur chuan thih \hak thlengin an huam \hin. Mosolman-ho hi an sakhuaah hian an va ruh em em ve kan tih \hin hi an pathian hriat danin a siam a ni.

Bible hi ngun taka chhiar chuan Pathian thiltum bulpui ber chu, mihringte hnena amah inhriattir hi a ni tih kan hre nghal thei. Kristian nisi engatinge hetianga nun piangthar nisi hetia a nun ? kan tih \hinte, Kristian ram nisi ngatinge sualna leh hlepruknate ava tam em! Kan tih \hin zawng zawng hi kan Pathian hriatdan ina ken nuna rama neih a, thu a neih dan tawk heti hi a nih vang a ni. Chuvangin Pathian hriatna hi a uma kan uma a pawimawh takzet a ni.

    Thlahtu bul Evi leh Adama te pawh khan Pathian dan bawhchhiaa an tlukna chhan chu  an Pathian hriatdan famkim lo kha a ni a, Pathian leh a thu zawm chauh kha an \hathlenna awmchhun a ni tih an hre fiah tawk lova, thu dang innghahna an zawng palhta a nih kha, an Pathian hriatna khan Pathian thu chauh zwm turin a hneh zo lo a ni.

    Israel-te hnenah pawh khan kawng tin rengin Pathian chu inhriattir a tum \hin. Engkim siamtu a nihziate, enkawltu a nihziate, engkim neitu  a nihziate, engkim tithei a nihziate leh arinawmzia tih lan nan, Aigupta bawih a\angina hruaichhuak a, Amah chu Pathian a lo nei ngei tih khawvelin an hriat theih Pharoa thinlung a tisak a, thilmak tam tak tiin a inpuanga. Thlalera kum sawmli chhung a hruai lai khan a Pathianzia ropui tak tak chu kawng tam takin a en tir bawk a, Israel-te chuan  Amah chauh chu Pathian an nunna leh engkim a ni tih hriaa, A rawng chauh an bawl a beisei a. Mahse a tawpah Pathian leh  a duhzawng a thu chu an hrefiah thiam lo ta fova, an tlu leh ta a nih kha.

    A tawpah Pathian chuan thu leh hla thitih mai chuan mihring sual fate hian, taksa, rilru leh thlarau zawng zawnga Amah biaa, a rawngbawl turin an hre zo ta lo tih a hria a. Amah Pathian nihna famkim nen Fapa Lal Isua Krista khawvelah a lo lang ta nge n ge a ni. Miin Pathian hi a hriat fuh chuan a nun chu tih danglamin a awm \hin. Chutia danglamna chu ama duhthu a ni mai lo, a hriatna chuan a rawn tih danglam sak \hin a ni zawk.

Dt 25.11.2012

                                                  A LAIPUIAH ISUA

    Kumin 2012 Sunday School zirlai pawh kan zir zo \ep a ni ta. Kumin a kan zir khaikhawm nan A laipuiah Isua tih kan zirho dawn a ni. Sunday School-a kan zir tawhte kha kan hriat dan a darh nuai mai thei a, hlawm khata khaikhawm kan tum dawn a,  khaikhawmna a nih rualin a zirtute kan khaikhawm dawn a ni ber zawk awm e. Genesis-a ‘A tirin’ tih a\anga Thupuan bu a ‘Amen’  tih thleng hian kan Bible- hian thu tam tak min zirtir a. Chung zawng zawngte chu Lal Isua-a innghat vek an ni a. Kohhran leh thurin hi Lal Isua-ah a innghat a, Kristian nun leh rawngbawl hna zawng zawngte hi Lal Isua-a innghat vek an ni bawk.

    Kohhran hi Lal Isua thihna leh thawhlehna lungphum chunga innghat a ni a. Kohhran dintu leh neitu chu Lal Isua a ni a, Amahah Kohhran a innghat a, Amahah Kohhran a kal zel a, a lo kal leh hunah amahah Kohhran a fawkkhawm ang a, Van Kohhrana min lawm luttu pawh amah bawk a ni ang. Leia Kohhran hi chauh chang nei \hin mah i la, Thlarau Thianghlimin a awmpui reng  a, Lal Isuan a veng a, Chhandamna banga hung tlat a nih avangin a chhe ve thei lo.

    Kohhran pawl hrang hrangte hian Chhandamna kan zirtir dan pawh a thuhmun vek lo. Chhandam kan nih theihna tura Lal Isua khawngaihna chauh ni lova thil dang belh tel chingte thu leh hla chu pawm loh tur a ni. Chanchin |ha hrulah hian Chanchin |ha ni ve tho, chhandamna tura \angkai si lo a awm \hin. Ringtute hi rinna avanga khawngaiha chhandam kan ni a.Chhandamna hi a thlawna dawn ni mah se, a dawngtu apiang ten min chhandamtu atana nun leh thil \ha tih chu kan bat tlat a ni. Kan thil \ha tih avanga Pathian beisei lovin, Pathianin min khawngaihna avang zawkin thil \ha kan ti lo thei lo zawk a ni.

    Pilata khan Lal Isua kha mi fel tak a ni tih a hria  a, Kraws -a khenbeh pawh a hreh hle. Mipui nawrna avangin a kut a sil a, “ He mi fel thisenah hian ka thiang e,” tiin a mawhphurhna hlih a tum. Ani lo chu khenbehna leh chhuahna thupek pe thei an awm loh avangin amah ngeiin thu tlukna a siam tur a ni. Lal Isua \an em em inkhenbeh turin a pe ta. A nun sirah Lal Isua a dah a, a laipuiah a dah loh avangin khenbeh a ni ta.

    Kan thu zir tak zawng zawngte, lehkhabua kan chhiar leh mi sawi kan hriat zawng zawngte hre reng chunga zawm lo kan nih chuan kan nun laipuiah Isua kan dah lo tihna a ni ngei ang. Kan nun laipui ber chantir a, kan nun laipui-a kan dah chuan kan thu hriatte zawm tumin \an kan la ngei ang tih hi a rinawm a ni.

                                                               ................................................

Dt 18.11.2012

                                                                             TLEM TE AN NI
                                                                            (Matthaia 7:13,14)

    Bible chang kan tarlan, Lal Isua thusawi hi vawiin kan khawvel mamawh a ni a, nang leh kei hian kan bengkhawn thar leh a \ul hle. Chuti a nih loh chuan he thutak hmang hian rorel sakin kan awm ang a, tam tak zingah telin boralna kawng kan zawh lai hian; nunna changin tlem te te’n mual min lian san dawn a ni. Heng te hi i ngaihtuah ve fo \hin em? Bon tawp khawvel : Uchuak, nihphung bak pel, chutiang lam rim a nam zawhna khawvel hian eng chen nge kan nunah hmun a chan tih thu hi. Ni chu ni lo, ni lo chu ni lo - nun tlang leh tluangtlam hi a tawk.
    Inbawlna khawvel : Sum siam nan leh hmuh nan eng hmanrua pawh hman hreh lohna, pawisain ro a relna leh thununna hmun a ni. Chawimawi tlak leh phu, ngaihsan tlak leh hlutsak awm mi kan ni tak meuh em le? Model mumal awm hmaa super model thlang thei rama che hi thiam a \ul tak zet ta. Induh leh inchhuang, inla takten hmun an luah khah lai hian - rilrua inngaitlawm, thuhnuairawlh mi kan mamawh zawk a ni.

 Download khawvel: Engkim a leng a, a tih ve zel theih bawk. It zawng leh duh a pung a, awhnain kan khat. Tlin bakin kan nung a, mamawhna nena inzawm lo thil a tam tulh tulh. |angkai lo leh chuang a uai duai duai \hin. Khawvel, a chaknate chawpa boral mek tlansan ngam Krista pasal\ha nih a hun talzet a ni.
    Modify khawvel: Him leh \ha duh khawp zo lovin, kan lungawipui zawnga her danglam leh siam rem duhnain kan hmanhlel zo ta a ni ber e. Nei im ema thawhchhuah tum, changkang taka hnathawh tumna khawvel a ni. Mawng poh leh er pian nalh zawka min ngaihtirtu khawvelah hian danglam ngai lo Isua Kristan thuneihna leh lalna chang mawlh teh se.
    Over khawvel: Zauthauna leh huau huau boruak a sosanna khawvel a ni. Kristiante hunpui aia Valentine’s Day hian urhsun a thlang a, insumna pal hung zuan khumin- duh zawng leh ngaihzawng nen  lam a tlangau pui a, tharuma sut tur a hmachhawn tam tial tial bawk.
  
    He kawngka zau leh kawng pawh a zauhnaah hian engkim a leng a, a tih ve zel theih bawk. He hmun hian ze mak pui pui a chhuah a, mut hun chu chhun khaw en lai a ni a, tualchai hun chu zan reh a ni.Nunnaa kalna kawngka zim leh a kawng chep Lal Isuan kawhhmuhah chuan leng lo a tam a, remchang lo leh \ha lo a langsar a. A ruk a awm thei lo a, tih ngam pawh a ni lo. Thil engkim a lang fiah vek zawk a ni. Pawn lam lan dan aiin chhungril nun takna leh dikna a pawimawh  zawk a, Lal Isua thusawite a nunah seng lutin a zirtirna anga nung turin theihtawp a chhuah \hin. Chu kawngka zim chuy thlangin, chu kawng chepa kal tur chuan, hawh u, Lal Isua min sawmna hi hnar lovin i tihlawhtling \hin ang u.


 *********************************************************************************

Dt 11.11.2012


                                                                       RINNA THU
                            (Mk. 11:22; Luka 7:50; Rom 4:3; 10:17; Eph.2:8; Heb.11:1)

    Rinna awmzia : “Tin, rinna hi thil beiseite awm neia hriatna, thil hmuh lohte hriat fiahna a ni,” tiin Heb. 11:1-ah kan hmu a. Heb 11:1 thu hi rinna hrilhfiahna chiang ber pawl a ni. Miin thil beisei a nei a, a beisei chu a awm ngei tih a hria a; a beisei chu a hmu lova, a hrefiah thung. Chu chu rinna tiin min hrilh ta a ni.

    Rinna lo awm dan : “ Chutichuan, rinna chu hriatna avangin a lo awm thin a. Tin, hriatna chu Krista thu vangin a lo awm,” tiin Rom 10:17 ah kan hmu leh a. Rinna lo pian chhuah dan hi rin tur hriat chianna atangin a ni phawt a; kan rin tur, kan hriat chian taka thu avanga lo awm a ni ta a nih chu.

    Tunge rin tur chu? “Pathian ring rawh u,” tiin Mk.11:22 ah Isuan a sawi a. Johana 14:1 ah chuan Isuan, “ Kei pawh mi ring ve rawh u, tiin min hrilh bawk a.
Rinna chu engnge a hlutna? “ I rinna hi chhandam i nih phah a ni, thlamuang takin kal rawh,” tiin Isuan hmeichhe sual pakhat hnenah a sawi a. Rinna chu chhandamna a nih chu.

    Rinna chu thilpek angin Paulan Eph. 2:8 ah  min hrilh bawk. Rinna avanga khawngaihnaa chhandam in ni; nangmahni thawhchhuah a ni lova, Pathian thilpek a ni,” tiin. Rinna avanga khangaihnaa chhandam kan nihna chu Pathian min pek, thilthlawnpek tihna  ni.

    Rinna awmzia hrefiah hle chungin Pathian arin loh theih a, rinna lo awmdan hre chung pawhin Pathian a rin loh theih bawk. Rin tur chu Pathian a ni tih hre rengin a rin loh theih bawk. Rinna hlutzia hrereng chungin Pathian a rin loh theih hle bawk a ni.

    Pathian ring turin hengte hi hriatchian hmasak tur chu a ni :

    1) Pathian chauh lo chu kan nun hian beisei  a nei lo tih kan hre fiah ngei tur a ni. Thil dang tam tak beisei chunga Pathian rin hi awmze nei lo a ni. Miin Pathian a beisei chuan hmu lo mahse a nghak a, a rinchhan ngam turt a ni ang.

    2) Paulan, “ Ka rinna chu ka hria,” a tih angin kan rin Pathian chu kan hre fiah hmasa tur a ni. Rinna reng reng hi ring tura rinawm leh rin lohah a innghat thin a ni. Rinna cu Krista thu avanga lo awm a nih angin kan rin tur Pathian rinawmna(kan laka a rinawmna) chuan a mah ring turin min cho chhuak thin a ni. Rin lohna pawh hi keimahniah rin lohna a a pawng awm mai a ni hauh lo, kan rin tur rinawma ngaih lohna chuan rinawm lohna a hring thin.

   3) Miin Pathian ring lova, a dinhmun derthawnziate leh a chanvo chhiatziate a hmuh hun hunah Pathian chauh rin tlak a nihzia ahmu fiah thin. Pathian rin mai loh chu atan kawnga awm lo tih a hmu fiah thin a ni. Pathian rin loh pawizia hre lo apiangin ‘rinna thu’ an kal bosan thin.


                                                                    .................................

    
Dt 4.11.2012

                                  MIN TICHAKTUAH CHUAN ENGKIM KA TI THEI

 Pathianin thil engkim mai hi a hun theuhah chuan mawi takin a siam tih Bible-in min hrilh a.Siam chhan nei leh engemaw kawng bik atana piang kan ni.Mi chuangtlai deuh bik tura siam kan awm lo.Chumi man fuh a, thlang dik apiang chu mi vannei leh mi hlawhtling an ni.Chhiartu duhtak, tukhaw hriat loha lo  chhuak a,mual liam leh mai tura siam i ni lo. Nangmahah khan thiltih tum a nei a, nangmah ngei kha hmangin engemaw tihtum a nei a ni. Danglam bikna, hlut bikna tak i nei a, piang tawh leh la piang leh turte zingah nangmah ang pakhat mah an awm lo. Mi bik i ni a, insit reng reng suh. Kim ki taka inthup bo tumin tlanchhe bawk suh. “Fing taka awmtir chein i kalna kawng tur chu ka entir ang chia, ka mita enreng chung chein rem ka ruat sak zel ang che”, a tih kha.
   
    “Ni dang ang bawk a ni,a danglamna ka hre lo” i ti em ni? chhut chiang teh, hun hi a kal chak a sin.Lawmna thar nen a eng zawngin hmalam thlir la,beidawng  miah suh.Hlawhchhamna hi hlawhtlinna bulpui a ni tih hria la, beidawng miah suh,kawngkhata i hlawhchham pawhin ar talh dan chi khat chauh a awm hleinem ...kan ti thin a ni lawm ni? Electric eng hmuchhuaktu Thomas Alva Edison-a chu vawi tam tak  a hlawhchhamnain a ti beidawng em tih an zawt , chung hlawhchhamna chu a hlawhtlinna bul a nih thu a sawi hlauh thung. Krista tana mi inpe, mi rinawmte nunah pawh a la thleng zel a ni. Tumruhna, thiamna leh huaisenna bakah Pathian hminga inrintawkna, Pathian chakna ringa kan hneh rual loh hmachhawn ngamnna leh hneh theihna thuruk chu i vawng tlat zel ang u. Tunlai thil awmzia kan hria- indona field-ah kan awm a, Sex, ruihhlo, rual elna,duhamna sual leh zawlaidi kan hmachhawn mek.Ka la dam a ni si chuan harsatna lo thlengte pawh chakna thar leh dinhmun sang zawk min sep kangtuah kan hmang thei, tiin i ngaihtuah zawk ang u.

**********************************************************************************

Dt 28.10.2012 

                                                              Lo  danglam zawk tawh  rawh u
                                                                            (Rom 12:1,2)    Kan ramah hian ringtu \ha leh entawn tlak, tam tak an awm lai hian mi \henkhat nunah hian ringtu nih avang emaw, piangthar emaw nih hnu hian danglamna miin an hmu em le? Chhan huai a har hle. Pathian thu chuan ringtute chu ‘lo danglam zawk tawh rawh u’ min ti a. Engvangin nge tih te, engtin nge tihte hi inzawh ngai tawh awm lo tak a ni a; mahse la hre lo ang hrim hian sawi nawn a ngai fo mai zawng a nih hi. Ringtute hi ringlote lakah kawng tinrenga danglam tur kan ni. Mahse, kan tunlai nun hi han en ila, ringlote nen kan danglamna a tam loh chu sawi loh, anni aia nun mawi lo hi hmuh tur kan va tam ta em! Ringtute danglamna tur vawiin hian kan ngaihtuah tlang dawn a ni.1. He khawvel dan  anga awm loh tur: Bible-in khawvel mite a tih hi ringlote tihna a ni ber mai a. Ringtu chu khawvel dan anga awm tawh loh tur, danglam tur a ni. |awngkam, chetzia, tlatna hmun, duhzawng, ngainat zawng, inchei dan, \hian kawm duhzawng, engkimah a danglam tur a ni. Tunlai ringtu tam tak hi an nunah leh chetziaah hian danglamna a awm lo \hin. Chuvang chuan tlukna/ dakna a thleng thuai \hin.
   
    Ringtu chu a inveng ngun em em \hin tur a ni.Khawvel hipna hi a nasain a nawm hlem \hin si a, a itawmna chu Setana thangkam a nih hriat reng tur a ni. Tih tur pawimawh em em nei chuang lova Pathian biak nan hun kan pe tam thei ta lo te, inkhawm ban kan nghakhlel hle te hi inenchian  a \ul ta hle a ni.

    2. Rilru thar put a ngai: Ni tin kan nun a \hang a, hmasawn zel tur kan ni.Mahni awmna chin chauh khawvel emaw tiha hmasawn tum loh chu Pathian thu nen pawh a inrem lo.Ringtute hmasawnnaah hian Pathian duhzawng,\ha leh lawm tlak hriat tel a ngai.Pathian thu nena inmil hi \hing kan tih hlauh chuan nakinah kan awmdan chu Pathianin \hing min ti ve ang tih a hlauhawm hle mai. Mihring hi kan rilru put dan angin kan \awng chhuakin, kan incheiin, thil reng reng kan duh dan pawh a ni tlangpui \hin. Kan sawi duhzawng te, kan tuina te, kan incheina a\ang hian eng ang mi nge kan nih hi thil chik mi chuan an hre nghal mai \hin. Hetah hian ringtu inti chunga Pathian lawm zawngrilru kan put leh si loh chuan danglam a ngai.Rilru thar, Pathian lawm zawng pu tur hian \an lak sauh sauh a \ul.Chhungril lam a fel fai chuan pawn lamah hmuh theihin a awm fo \hin.

    3. Pawn lam langa danglam a ngai: Ringtu chu rilru lam chauha danglam ni lovin pawn lamah pawh ring lote nen a danglamna hmuh theih a ngai. Hmun theiha danglaman a awm loh chuan a famkim thei lo, setana’n  bum nan hmanruaah a hmang awl \hin.|ha leh fel awm taka mite hmuha awm, chhungril lam dik si lo a awm thei. Chuvangin, ringtu nun dik chu pawn lamah miin an hmuh a ngai tel \hin.Hei hi kan ramin a mamawh hle a ni.

    Kan hmaah hian Nunna leh Boralna kawng a awm tih hre rengin kan nitin nunah rinawm taka awm hi a pawimawh hle mai. Ringtu nun leh thatchhiat hi a inhmeh lo tih hre reng ila, thatchhia leh dawngdah turin Pathian hian min siam lo tih hre reng ila, nun pawlawh te, thatchhiat te, dawngdahte hi ngaihnep tur a ni. Khawvela ringtu ni si, ring lote anga awm, nun danglam neitu, danglam ngam si lote chu Pathianin a hrem ngei dawn a,mahse, Pathian lama \ang, rinawm taka nungte hi lawmman a la pe dawn tih hriain kan nitin nunah mite hmuha danglam ngam turin i bei sauh sauh ang u. 

*********************************************************************************

Dt 21.10.2012 

                                                            PATHIAN PAWLNA NUN
                                                           (Gen. 5:21-24; Mat. 6:5-13)

    Bishop pakhat chuan, “Khawvel ram hrang hrang ka tlawh tawhin thil mawi tak tak pawh ka hmu tam tawh hle a. Chung ka thil mawi hmuh tawh zawng zawng zinga mawi chung chuang ber mai chu ‘sual sim \hing\hi’ hi a ni,” a ti. Pathian tan pawh sual sim \hing\hi, mi sualin a sualte sima Pathian a han pawl leh ta zawk chu a mawi ve ngawt ang. Sualna nei lo kan awm lova, kan sualnate sima Pathian kan pawl hian Pathian leh rawngbawltuten mawi an lo ti \hin a ni. Kawr man to tak leh rawng mawi tak tak te, motor car chhuak thar leh \ha ber berte ai pawha mawi  zawk chu Pathian pawl \hinte nun hi a ni reng a ni.

    Bible-in inpawlna a sawi chu Pathian leh mihring inkara inremna avanga inpumkhatna leh inkawp remna, inlaichinna duhawm tak lo awm hi a ni. Chutianga Pathian leh ringtu inpawlna rah chu mihringpuite nen an inlaichinna kawngah a lang chhuak a, midangte nen inremna \ha tak leh inpawhtawnna \ha tak a lo chhuak \hin a ni. Gen. 5:21-24 ah chuan Enoka chu Pathian nen an leng dun \hin tih kan hmu a. Chutiang taka leng dun chu inpawlna thuk leh ril tak a lo ni.Tichuan, inpawlna tih chu inkawm chawt, awmho deuh reng  sawina a ni.

    Pathian pawlna hi ringtu nun tichaktu a ni a. Pathian pawl ngai lo ringtu chu a tlu leh mai \hin. Miin Pathian a pawlin A ropuina te, A kaihhruainate leh malsawmna te a tharin a dawng leh \hin. Pathian a pawlna a\ang bawkin suala tlu tawh mihring chu Pathian anna neia siamtharin a lo awm a, siamthara awm tawh ringtu chuan Pathian zia- hmangaihna te,dikna te, felna te, thianghlimna leh adangte chu a takin a lo nunpui leh thei \hin a ni. Ringtu chu thlemna tawk \hin a nih avangin  Pathian a pawl fo loh chuan a tlu mai \hin a, a da leh mai \hin.Pathian pawl fo \hin ringtu erawh  chuan thlemna a hneh a, hnehtu nih malsawmna leh Pathian pawlna thar lawmawm tak a chang zui leh \hin.

    Lal Isuan a zirtirte hnena Pathian pawl dan a zirtir chu \awng\ai a ni a,|awng\ai dan pawh vantlang hmuha ring taka taka \awng\ai chiam chiam aiin mahni chauhva fianriala \awng\ai a kawhhmuh zawk a ni.Bible chhiara chik taka a awmzia hriatthiam tuma ngaihtuahna hman hi Pathian pawlna hmanrua mi tinin kan hman theih bawk a ni. Inkhawm hi Pathian pawlna dang leh chu a ni a. Pathian pawlna a nih hre lovin \henkhat chu thusawitu a zira inkhawm lo mai \hin an awm. Heng mite hian inkhawm hi Pathian pawlna a ni tih an hre lo a ni.

*********************************************************************************

Dt 14.10.2012

                                                           Kan mamawh Nun Nghet
                                                         (Mat. 7:24-27; I Kor 15 :58)

    Kan Kohhran rawngbawltu chhuanvawr leh mithiam hmasa zinga mi Rev.Dr.Lalsawma chuan, “ Mizote nuna nghet awmchhun chu kan nghet hlei thei lo hi a ni” a ti a.Hnam hnufual, kum 10 dana pem thin, ze nghet lo tak kha kum sangbi thar thlengin kan la chhawm nung zel a ni awm e. Hmasawnna leh \hatpuina thleng pha lem lo, thil puar pawleng mai mai hian kan hnam hi min va sawi nghing nasa em! Thil thar lo chhuak hi a dik chiah em? a him em? a rintlak em? belhchian a dawl em? tih ngun taka zira chik peih kan tlem hle. Nun nghet, ze nghet leh principle -fel tak neia khawvel hmachhawn a ngai tawh a ni. Kohhran nun leh rawngbawlna kawngah pawh a mak leh dangdai, phut/thut lam hi a rau kher lo. Lal Isua zirtirna laipui, Kohhran rawngbawl dan ze pui leh inkaihhruainate hi a tlovin a rau tawk a ni. Pathian thu thiam leh rawngbawlna kawnga daihriat nei \ha zawkte kalkawng nghet hi a himin a \ha a, nghet taka vawn hi a dik ber zel.

    Vantlang nun zirmi, Sociologist te chuan “ Chhungkua nun bul \anna pawimawh ber, vantlang nun a \ha lam leh \halo lama hruaitu” tiin an sawi \hin. Hei hi Dr. Kenneth Chaffina’n “Chhungkua a hlawhchham chuan mi dang/ pawl dang chu an hlawhchham sa” a tih hian a dik zia a nemnghet. Matthaia 7: 24-27 thu hi mi thiamten chhungkaw chungchang sawi nan an hmang \hin. Insakna chu lei nghet lo, \iau vut mai a nih chuan thlipui leh ruahpui nuai hun huna chhe mai tur a ni. Finna leh thiamna, innghah nana sun leh pai hmangtute chu harsatna leh vanduaina a tawh hunin an tlusawp thuai dawn a ni. Mahse, Lungpui - Isua Krista nghah chhana insak chu a innghahna lungphum Isua a ngheh tlat avangin vanduaina leh khawvel duhamna thlipui lakah a nghing ve lovang.Chhungkaw lungphuma Isua hmangtute nun a nghet \hin.

    Harsatna, natna leh vanduaina thlipui te hi tuman kan pumpelh thei lo. Hei hi Isuan, Amaha kan innghah tlat a, a rintlak zia leh a ropui zia kan hriat a; nun nghet, nun ziktluak kan neih theih nana a ruahman a ni fo. kan dinna Krista lungpui nghet a nih a ngai.Chuvangin I Korinth 15:58 a “Nghet takin, tih chet vrual lovin Lalpa hna \hahnemngai taka thawk fovin awm rawh u”  a tih kha zawmin nun nghet nei turin theih tawp i chhuah ang u.

**********************************************************************************

Dt. 07.10.2012

NUN A RAWNGBAWL  A  PAWIMAWH
(Sam 103:1-4)

    Aw ka nunna , LALPA chu fak la ka kawchhunga awm zawng zawng te u, a hming thianghlim chu fak rawh u. Aw ka nunna LALPA chu fak la, a thiltih \hat zawng zawng chu theihnghilh suh a ni chuan i khawlohna zawng zawng a ngaidam \hin a; I natna zawng zawng a tihdam \hin a; Boralna lak ata i nun chu a tlan \hin a; Ngilneihna leh lainatnate a khumtir \hin chia;
    He sam ziak ah hian Pathian hmangaihna Lal Davida chunga lo thleng a ni a, Lal Davida hian Pathian in achunga, a thiltih zawng zawng hi a theihnghilh lova, a khawlohna zawng zawng a ngaidam a, a natna zawng zawng a tihdam sak a, boralna lakah a nun chu a tlan a, chu mai chu a la ni lo, thil \ha tin reng a chungah a thlen tir a ni tih a hria a, chuvangin Lal Davida pawh in  a nunhlui kalsan in nunthar nen LALPA rawng a bawl a ni. Pathian thu a har lai ber chu NUNPUI hi an ti \hin a, a dik viau mai. Thu leh hla a, rawngbawl hi a pawimawh em em a, mahse nun a lan tir hi a la pawimawh zawk a ni. Thu leh hla a rawngbawlna in a tum ber chu mite an nun a Pathian duhzawng an lantir theihna tura fuih leh kaihhruai a ni a, rawngbawltu tam zawk te hi chu felfai \hatakin an sawi liam mai a, a \ha e, mahse kan nun hi miten an chhui a, kan thusawiah khan miten eitur an hmu \hin lo a ni.
    Kan thusawi aiin kan nun hi a au ring zawk tiin an sawi \hin a, a dik khawp mai, thusawi \ha tak pawh hi
a sawitu nuna a lanchhuah siloh chuan awmzia a nei lova, kan hlawkpui lo fo \hin a ni, kan nun hi Pathian thu kan awi leh awiloh lanchhuahna ber a ni a, kan thu sawi chhung aiin kan nun chhung a rei zawk avangin nun a rawngbawl hi a pawimawh em em a ni.Jeremia 48:10 ah chuan “Thlahdah taka LALPA hnathawktu chu anchhe dawng in awm sela, thisen chhuah tura a khandaih hmang duhlotu chu anchhe dawngin awm rawh se”, a ti a. Kum 2012 chhunga rawnbawltu tur Pathian leh Kohhran te kaltlangin kan tlin leh fel vang ni hauh lovin khawngaih rawngbawl hna chanvo kan chang leh hlawm a, heng rawngbawlna chanvo kan channa ah hian a pawimawh ber chu, kan nun leh krista chanchin\ha hi a in mawi tur a ni. Thlahdah taka Lalpa hna thawktu chu anchhedawngin awm sela, a tih ang hian kan chanvo chan ah hian lungawi a, \hu mai mai tur a ni lo, chuti ni lova kan inthlahdah mai zawngin Pathian anchhia hi kan chungah hian alo thleng mai ang tih a hlauhawm a ni.
     A thu chuan kan rawngbawlna hi \hatakin kan hlenchhuak emaw kan tih laiin, kan nunin alo bawhchhe leh si \hin a, chuvangin kan rawngbawlna in awmzia a neih loh pha mai nilovin rah a chhuah thei \hin lo a ni. Kan rawngbawlna kan ngaih pawimawh loh avanga Kohhranin a tawrhna pawh tamtak sawitur a awmthei ang, kan peih vanga rawngbawl tur kan ni lova min hmangaih a, min chhandam a, a khawngaihna kan dawng a chuvangin kan hmangaih ve a ni tih kan lanchhuah tir theihna awmchhun chu \hahnemngai taka a rawng kan bawl hi a ni, chuvangin \hahnemngaihna leh tihtak taka a rawngbawl turin i in buatsaih ang u, peihlo chung leh chaklo chung pawh a a rawngbawl hram hram tur kan ni tih kan in hriat a \ul hle a ni, Rawngbawltu kan ni emaw nilo emaw pawh ni ila kumhlui a kan thiltih te kha thlirlet ila a \halo lai te paihin kalsan ngaite kalsanin nunthara Pathian rawngbawl turin i in buatsaih ang u.
    (I awmdan tur chu Lalpa chungah nghat la, amah chu ring la aman a ti vek ang. Sam 37:5)
    Thihna hlimkawrh ruama \hu tur, Lal Isua chhandamna an lo chan a an lo hmuh theih nan Lalpa rawng i bawl tlat ang u.


**********************************************************************************

Dt 30.09.2012 Sermon
                                               CHHUNGKAW  PAWIMAWHNA
                                         (II Samu. 7 : 27, Sam 68 : 6, Heb. 3 : 3-4)

    Chhungkua hi Pathian din a ni a, a awm zel dan tur pawh a rel sakin a ngai pawimawh em em a ni. Mihring chu mal tlat a phal lo va, mi mal malte chu chhungkuaah a tel tir zel \hin a. Thuthlunghlui hunah khan Pathianin thu a thlun chuan an chhungkua a telh zel a ni. Nova hnena thu a thlun khan an chhungkaw huapin a thlunpui a (Gen. 6 : 18); Abrahama pawhin thuthlung zawma a kal chhuah dawn pawhin a chhungkua a hruai a (Gen. 12 : 5). Lota chhanchhuaha a awm \um paawhin an chhungkuain Pathianin a chhanhim a ni. Chuvangin, Pathianin chhungkua hi a ngai pawimawh em em a, keini pawhin kan ngai pawimawh ve tur a ni.

1.    Chhungkua hi zirna hmun hmasa ber a ni
Chhungkaw sikul hi nun dan \ha zirna hmun hmasa ber a ni. Nu mal chungah zirlai kan \an a, nu chu zirtirtu a ni, pain a lo pui bawk. Nu mal chunga kum li vel kan zir hnuah khawlai lam a \angin kan zir belh \hin. Nu chuan chetzia leh thil tihin a zirtir a, a thunun a, a chawm bawk a, a kaw3h hmuh a, a zilh bawk a, a mamawh tin reng a tihsak \hin. |awng an hriat theih hma pawhin thil tih leh mitmei hmangin a zirtir a. Pawi thei leh thei lo te, tihawm leh awm lohte nu leh pain an zirtirna hmun chu chhungkua a ni.

2.Chhungkua chu damdawi in hmasa ber a ni
    Mihring reng rengin mahni in chhung kan ngai vek a, zinchhuah pawhin thlenna nuam hle mahse mahni ina haw kan chak fo \hin. Hei hian chhungkaw pawimawhzia a tar lang. Mahni in \heuh hi taksa leh rilru hahchawlhna a ni. Chhungkua hi damdawi in anga kan sawi hian taksa natna leh thlarau lam natna tihdamna hmun a nihzia kan sawina a ni. Pawn lama kan thil; tawn avanga rilru na chu inchhungah tuamdam in a awm \hin. Taksa kan tuar pawhin mahni in lum ngeiah, mahni khumah ngei mut kan thlahlela , thi tura inhriate pawhin damdawiina thih ai chuan mahni ina thih an thlang chawk a ni.

3. Chhungkua chu Kohhran hmasaber a ni.
    Kohhran kan tih hian Pathian mite pungkhawmho kan sawina a ni \hin a. Chhungkua hi mimalte pun khawmna hmasaber a ni a, awmze nei taka din a nih avangin Kohhran hmasaber angin a sawitheih. Chhungkaw ro chu rel fel hmasak a nih loh chuan Kohhran ro a rel fel mai theih loh. Chutiang bawkin chhungkuaa inrelbawlna a fel lova, zirtirna \ha kan inpek loh chuan khawtlang rorelna a fel thei bawk lo. Juda-ho  chuan dan an ngaipawimawh a, inchhungah naupang an zirtir nguna, dan thu chu nautein hnute a lem rualin an lem teltir niin an sawi \hin.

    Chhungkaw pawimawhna hi sawitur a tam a, sawisen pawh a ni hek lo. Khawvel ram tinah chhungkaw nun hi a pawimawh veka, ram rorelnate, khawtlang nunte, politics leh thil dang dangah  chhungkaw pawimawhna a lang zel a ni.

Dt 16.9.2012

                                                       HUN HMANA RINAWMNA

    Mizote hi Chanchin Tha avanga thiamna, finna leh khawsak thilah chawikana awmin khawvel dawr leh pawl phain a lo changkang ta. Chu changkanna chuan tih tur leh nih tur a rawn chhawp chhuak zawih zawih ta mai si a. Chu chuan hunin a daih loh khawp tih tur tul a rawn siam chhuah tak avangin hun hman dan tur ruahmanna fel tak nei a, dik taka hun hman tulnaah min hruai lut ta. Chumi avang chuan engahte nge kan hun te chu dik tak leh fel taka kan hman ang a, kan rinawm thei ang? Mihring nuna innghat, thiltiha lo lang chhuak a nih avangin miziaa bet a ni ti ila a sual lem awm love. Mihring nun, thiltiha lo lang chhuak, rinngam/rintlaka siamtu chu rinawmna a ni a. Rinngam mi ni tur chuan tih tur apiang dik tak leh fel taka ti a, dikna vawng tlat mi a ni tur a ni a.A dik leh dik loh chuan a rinawm leh rinawm loh a ti lang bawk. Hun hmana rinawmna tih chuan thil tih tur reng reng  a hun takah dik tak leh fel taka tih zel chu a kawk ber awm e.

    Khawthlang hovin ‘hun hi tangka a ni’ an tih laiin khawchhak hovin ‘hun hi nunna a ni’ an ti ve thung. Tin, “A hun takah engkim ti la, a hmun takah engkim dah rawh”tih thufing tawi kan hre bawk. Heng thute hian hun pawimawh zia leh hman dik leh that (rinawm) a tul zia a ti chiang hle.

    Pathian biak inkhawm hi Thlarau ruai kilhona pawimawh tak a ni a. Ngaihthah theih hauh loh thil a ni.Tumkhat atan darkar khat vel emawh chauh hun hman thin a ni a. Chuti chung pawh chuan a hun chhungah Pathian  nena inpawlna chauhva hun hmang tur kan nih laiin thildang eng eng emaw ngaihtuah nana hun lo sengso ta mai mai kan awm thin. Chutiang chu hun hmana rinawm lohna a tling ve ngei ang le. Pathian biakna thila tih tur (prog.) indawt fel tak leh tha taka kalpui thiam a tha.Tihtur indawt fel taka kalpui thlap thlap hian hun a ti daih zai a,hun hmangtu tur tan a tinuam bawk. Inkhawm hun chhunga rilru leh taksa hlan vek a, Pathian pawl nana hman hi Pathian biak inkhawm huna rinawmna chu a ni.

    Pawl kalphung, tih tur leh kal zel dan tur ngaihtuah tura thutkhawm fo a tul thin. Committee kal tlai, hla zir dawna tlai ziah mai te, tan huna thleng hman lo khawpa hun vawna rinawm lo kan tam hle. Committee laia thu dang lo sawi leh titi lo rawlh ang chi te hi committee hun awmze nei lova tih reina leh tih tur tak ni lova hun khawhralna anih avangin hun hmana rinawm lohna lantirtu a ni thei awm e.Hengah hian rinawm tawkin kan inhria em?

    Eng hnaah pawh tan hun leh ban hun mumal taka siam a ni zel. Hnathawh tan huna thleng hman lo, ban hun hmaa bo leh daih lawi si nun hi hun hmana rinawm lohna lan tirtu dik tak niin a lang. Kan thawh tur ngei leh tih tur aia thil danga lo inhman daih ang te hi hun hmanna tur dik tak ni lova hun khawhralna a nih avangin hun hmana rinawm lohna a ni ngei mai. Sorkar hna a ni emaw, rawngbawlna a ni emaw mimal hna a nih pawhin thawhna tura hun neih ang angah dik tak leh tha taka thawh a, rinawmna lantir hi ringtu nun - midangte hruaina tur a ni.







**********************************************************************************

Dt.23.09.2012

                                                                KRISTA   THUHRETU

    Thuhretu tih hi court \awngkam hle mai a, tute emaw thubuai sawi naah an \anna a dik a ni tih hriatpuitu(thuhretu)an awm \hin. Bible-ah hian thuhretu tih awmze hrang hrang a neihtir a. A tlangpuiin thuhretu a thil hmuhah emaw a thil hriatah emaw a nun ngeiin a dai tawh(experience)ah emaw a awm \hin. Chung a thil hmuh leh hriatte chu sawiin a puang chhuak a, thuhretu a lo ni ta \hin a ni. Chutiang chuan Krista thuhretu pawhin tisa mitin emaw thlarau mitin emaw Krista a hmu tihna a ni a, Baptistu Johana pawh Krista hmutu leh hretu a nih avangin khawvel chhandamtu ni tura Pathian rawn tirh a ni tih hretu a ni. Isua zirtirte pawhin mita hmutu leh hretu a nih avangin ‘kawlkil thleng pawhin ka thuhretu in ni ang’ tih an hlawh phah a ni

     Kan sawi tawh angin thuhretu chu hmutu leh hretu a nih avangin \antu dik leh tifiahtu ber a ni. Court-ah pawh thubuai neituin eng ang pawhin sawi chiang mah se, thuhretu tel lo chuan pawm a har \hin. Lal Isua chungchangah te pawh engkim hmua hrechiangtu chu a zirtirte an ni. Thuhretu hmasate an lo nita a ni. Mi an sawi an hriat chhawn ve naran a ni lova, anmahni ngeiin an hmuh avang lehan hriatchian avangin thuhretu an ni. Thil pakhat pawimawh tak kan chhinchhiah tur erawh chu Thlarau Thianghlim hriattirna avang chauhvin thuhretu an ni thei a ni.

    Chutiang bawkin keini pawh Thlarau Thianghlim zarah Krista chu Pathian fapa, kan sual tlan tura Kraws-a thi kha a ni tih kan hre thei a. Benga hriatna mai ni lo, Thlarau Thianghlim zara hriatfiahna chu kan chang thei a, tisa mita hmutu ni lo mah ila, Krista thuhretu kan ni thei a ni. Tisa mit ngeia hmutu tam tak , A thu ring si lo an awm ang bawk khan, tunah pawh a thu hre em em si, thuhretu tih tlak si loh kan awm thei. Chuvang chuan ti nungtu Thlarau Thianghlim hriattirna kan mamawh a ni.

    Thuhretu chuan a hmuh leh hriatte a puang a, la hre lote hnena hriattirtu a nih rualin anun ngeiah pawh Krista duhzawng lantirtu tur a ni. Krista thuhretu tab hmuh leh hriatte puan chhuah chu thil har vak a ni lem lo, a har ber zawk chu a chanchin kan sawi Isua Krista  duh ang zawnga nun hi a ni. Krista thuhretu intu nazawngte hihlawhchhamna chu kan thusawi ang hian kan nung \hin lo hi a ni fo mai. Chuvangin, Krista thuhretu dik chuan huaisen takin thu dik a puang anga, a sawi mai duh tawk lovin, a tak takin a nunin a puangchhuak \hin tur a ni.

                                         ----------------------------------------------------------


Dt 9.9.2012

                                                                             NITIN NUN


    Kum tam tak a ni ta, tum khat chu pa tawp hmel tak, inchei tha duh mang lo hi Netherlands khawpuia Biak In pakhatah hian a lo lut a, Pulpit lam hnaih, a bek chhawng zawngah hian a va thu ve a. A hnu lawkah chuan nu pakhat, inchei parh va mai, Kohhranah pawh a phusa pawl ni ve ngei awm hi a lo kal a, a thutna thina pa tawp tak mai lo thu a han hmuh chuan a ngaihdan hi a ni lo nasa mai a. Chang fel fawl tak hian insawn turin a hrilh a. Chu pa pawh chu ngawi rengin a insawn ve mai bawk a.Mi rethei bikte tana thutna an ruat bikah chuan a in sawn ta a ni.Inkhawm an han ban chuan a thiannu chu chu nu hnenah chuan, “Mikhual thu sawn tura i tih pa kha tunge a nih i hria em?” tiin a zawt a. Ani chuan, “Hre nang, mikhual naran ve mai mai a nih kha” a lo ti a. A thiannu chuan, “Mikhual naran lo tak mai a ni zawk a sin! Ih maw, Sweden ram lal, Oscar-a a nih kha. Kan lalnu tlawhin a lo zin alawm,” a ti ta a.

    Chu nu chuan pawi a ti hle a.A zak em em bawk a, lal hnenah chuan thupha han chawi leh a ngaihdam dil a duh a; mahse lal chu hmuh tur a awm tawh lo.A kal bo hman tawh a ni. Mite hmuha hruaitu, hotu leh mi chunga leng nia inlantir a tum hun chu a fuh lo hle a ni.

    Kristiante hian engtik lai pawhinfiahna kan tawk reng a.Hna kan thawh lai pawhin a ni a, Motor khalh lai pawhin a ni bawk. Dawr hmuna thil lei leh hralh lai pawhin a ni a,Biak In chhung thleng pawhin ni tin fiahin kan awm thin.

    Eng hun pawh chu ni sela, Kristiante’n an hmachhawn dan tur chu Petera’n thuhnuairawlhin awm rawh u a tih hi a ni. Chu chu hnehna bul chu a ni a,Pulpit tlanga thusawi aiin a hlu a, a thawk ropui zawk thin.    ‘A tawp berah chuan in zain rilru hmun
 khatin awm ula, inlainat tawn ula,unau angin inhmangaih ula, khawngaihna nei ula,
thuhnuairawlhin awm rawh u’ 
(I Petera 3:8)


**********************************************************************************


Dt.2.9.2012

                                 KRAWS  CHUAN  KHAWVEL  NEN  MIN  TIHRANG  TA


    Nula pakhat piangthar chuan China ramah kal turin Pathian kohna a hmu a, mahse a nu chuan a phal tlat lo mai a. Nula chuan a tum ruh si, a nu lah chuan a phal lo nasa si, ni leh fanu inkarah indona a chhuak ta a. A nu chuan ‘ka phal lo a ni, Mi enkawl tu tur i ni a, i kal lui dawn a nih pawhin ka ruang hii kalsan ang’ a ti a. A nu thupek leh Pathian kohna indonaah chuan duh a thlan a ngai ta a ni, Pathian koh chhan chu a thlanga a inbuatsaih ta a, a nu nen chuan an thu a in hmuthei tawh lo. Chutiang hun chu Kraws-in mihring a thblen hun chu a ni. Kraws kawng zawh tur a khawvel harsatna hian, nu leh pate leh naute nena inthurual theih loh hun  a ni. Nakinah chuan a nu chu a na ta a, a trhi ta ngher nghe a. A trhih dawn terpah a rilru a lamlet hman a. “Ka lo ti dik lo a ni. Ka fanu hian a lo ti dik zawk a ni tiin a sawi” an ti. Nula chu a nu damlohavanga la awm pawh a ni lova, a la inbuatsaih rih vang ani.A zirnate a zawh hun ah chuan daltu awm lovin a kal ta a. Nula hian anu atuithlar ani lova, Isua a Hmangaih vang zawk ani. “Tupawh ka hnen alo kal chuan Apa te, Anau te, Anupui te, Afa te, anu te a farnute, ama nun nen lam a huat loh chuan ka zirtir ani thei lovang” Lal Isuan ati ani. 

    Kan Lalpa rual a misual Pahnih an khenbeh vete kha engatinge  a veilam ve veah emaw a dinglam ve veah emaw an khenbeh loh?. Engatinge Isua alaiah an khenbeh?. A khenbettute khan chhan mumal nei a ti an ni kher lovang. An nin an thiltih awmzia an hre kher lo naa, Pathian remruat ni ngeiin a lang Kraws chuan mihring athen darh a ni. Misual, sualna thuhmun, hremna leh thihna thuhmun tuar an ni a, mahse mihring thendarhtu a lo kar tla ta a. In kawptlat thinte karah chhandamtu a lo awm a, vawiinah hian pakhat zawk chu vanah malsawmna tinreng dawngin a lo awm a. A thianpa erawh chu na tinreng turin hremhmunah awm, a tawp dan a thuhmun ta lo, chatuanin an inhmu leh tawh lovang, pakhat ropuinaah a luta, pakhat anchia a dawng ta. Lal Isua pawmtu leh hnartute chu thian an inthen anga, laina an inthen ang. Kraws kawng chu inthenna kawng a ni.


    Kraws thu hi engtinnge kan ngaihthlak thin?. Kan chhungkaw tan Pathian malsawmna kan duh. Kan fate pawh piangthar ngei se kan ti. Amaherawhchu eng ang chiahin nge amw se kan duh?. Kraws kawng hi zawh ve ngei se kan duh tak zet em? Kraws nihring inlainatna leh inngainatnate hi khandaih angin an sat chhum a, lei dana in hmangaih em em te pawh hi, pakhatin Kraws a vuana, pakhatin a kalsan a, inthen a tul thin a ni


 *********************************************************************************


Dt 26.8.2012

                                                                         KRAWS   THU
                                                          (Luka 9 : 23,  Galatia 6 : 14)

     Khawvela hremna hmuhsitawm ber Kraws thu hian ril takah mihring nun a chhun \hin a, Kristian -te chuan thuhril thuk leh mak bera an ngaih laiinkhawvel mi chuan an hrethiam lo va, thil atthlak berah a ngai. Kraws chung chang hi hetiangin lo sawi ila.

     Kraws awmzia : Kraws chu Latin \awngin Crux  an ti a, Grik \awngin Stauros an ti a, kawkalh, dik lo, duh lo, paih, thaichhia tihnate a ni. Kraws hi Phoiniki leh Karthaki ho, Mediterenian Tuipui kam vela  awmte chinchhuah, Rom hoin an lakchhawn tak zel ni a sawi a ni. Kraws siamdanhmang chi thum awmin an sawi Latin Kraws-X, Anthony Kraws-T, Latin Kraws     . Latin Kraws hi Isua an khenbehna Kraws ni a sawi a ni.

Kraws- khenbehna hmun : John L. Mekenzie chuan, ‘ Kraws chu salte, tualthatte, suamhmangte, phiarruk hmangte, khua leh tui nihna phatsattute leh helhote hrem nan an hmang \hin,’ a ti. Persia ho chuan van chu Pathian awmna a ni a, lei pawh Pathian siam a nih avangin a thianghlim a; chuvangin, Kraws-a khenbeh tlaka misualte chu lei si lo, van si lo va khenbeh turah an ngai. Juda-te pawhin thinga khai apiang chu Pathian anchhe dawng an ti (Deut.21:23).

    Kraws maktak chu: Amaherawhchu, Isua Krista, Pathian fapa meuh Kraws-a khenbeha a awm a\ang khan Kraws chuan awmze thar a nei ta. He hmunah hian mihringte hriatthiam hleihtheih loh thilmak a thlenga. nisi, nisi lote; nisite a tam mai. Kraws chu thihna leh nunna hnar, thimna leh enna hmun, misual ber leh mi \ha ber thihna hmun, diriamna vawrtawp leh hmangaihna sang ber lanna hmun, thiam loh changte thihna leh thiamchanna tlang, tlawmna hmun leh hnehna hmun leh a dang tam tak pawh a awm. Hla siamtute pawhin mak an ti nangiang a;  “A va mak em, thi thei lo thi, A tumzia  mak tu nge sawi thei?” “ A mahah leilung aher laiin leilungah amah an zalh a,” tiin an sawi.

    Kraws-pua Isua zui tur a ni: Lal Isuan mi zawng zawng hnenah, ‘ Tupawhin mizui a duh chuan, mahni hrehawm pawisa lovin, nitin a Kraws puin mi zui rawh se,’ a ti(Luka 9:23). Kraws leh ringtu nun inzawm dan sawiin,  Kraws putu chu Kraws-in apu let \hin. Kraws chu hlimsarha i put theih chhung chu Kraws chuan a puve thung zawk ang che. Kraws chu misualte thihna mualpho taka khenbehna hmun a ni. Paula chuan, ‘ kei erawh chuan ka Lalpa Isua Krista Kraws lo chu ka chhuan loh tur zia mai chu, chumi azarah chuan khawvel hi ka tan khenbehin a awm a, keipawh khawvel tan khenbehin ka awm a ni,’ a ti(Gal.6:14). Kraws kan hnaih poh leh kan inpumkhat \hin a, tuarna Kraws chu ringtute damna atana buatsaih a ni a, thihna hmun chu nunna hnar a ni a, Kraws-a a tuarna avang chauhin inremna a thleng thei. Thil reng reng Kraws a\angin thlir ila, enremna Kraws hmang ila, a fel mai \hin a ni.

                           (Sermon hi Rev. Thangzauva ziah lakchhawn a ni)


*********************************************************************************



Dt.19.8.2012

                                                         TLAI  NGAI  LO  PATHIAN
                                                                  Ni li paw’n tlai se
                                                                       (Joh.11:14)

    Hla phuah thiam tak Aron Wilburn-a, “ Four Days late” (Ni li paw’n tlai se) tih hla ropui tak phuahtu hi kan hre ngein turah ngai ila, Pathian rawngbawl mi, Pathian mi hman tak a ni. Pathian fakna hla tha tak tak a phuah a. Tum khat chu na takin a damlo va, damdawi inah thla thum lai mai a mu tawh a. Doctor pangai pali leh specialist pathumin an bawihsawm pawhin a dam chhuak thei lo va. Damdawi in awm man bill tam tak a bat nen, zan mut hilh theih loh nen, beisei zawng zawng a bo zo vek tawh a Kum .1994 nipui laiin zing dar thumah a thova, Pathain a pawl ta a. Joh.11:5-6 chu a han chhiar a chutah chuan Lal Isua chu mamawh chhanna kim a nihzia chu a takin a lo hre chhuak ta a
A mah ngeiin, “ ka tap chhuak hawm hawm a, ka biangah mittui a luang zawih zawih a. Ka thinlungah hian chiang tak maiin ka taksa leh ka rilru hian ngai a awh leh dawn a,ka nui leh ngei dawn a, ka dam leh ngei dawn tih hi ka hre chiang em emn a ni,” a ti a ni

    A sawi zel a, “ Lalpa Isua chuan., ‘ Tidam turin ka rawn insiam tan ta e,’ tih mai ni lovin, Ama aw ngei hian, ‘ Ni li pawhin tlai ila, a hunah ka lo thleng ang,’ a rawn ti a,” tiin.

    Wilburn-a chu rei tak damlo pawh ni se, Pathianin a hun takah, mihring lam beidawn tawh hnuah, a rawn ti dam ta a ni. A dam atanga kum a vei hnuah tun laia kan hla duh em em ‘Four days late’ tih hla hi a rawn phuah chhuak ta a ni. Miten he hla hi an duh hle a, he hla atang hian mi tam takin thlarau malsawmna an chang a ni.

    Zoram-ah chauh ni lo, Sap ramah pawh Pathianin a hmang nasa a ni. Tum khat pawh nun beidawng tak pakhat, intihhlum tum mai pawh duh hial tawh chuan a car-ah he hla hi a ngaithla a,

    I hringnun zawh lai khan,
    Harsatna tawkin,
    Lalpa i au thin; A puihna nghakin;
    A thleng si lo maw......Chauvin zam mai lo la...
    A la pangai reng, a lo thlengt thuai dawn,
    A tanpui ang che, A hre reng a che.

tih chang a ngaihthlak thlen chuan a rilru a tuiral zo ta............chu darkar la la chuan a car chhungah ngei a nun a lo danglam ta ! Intihhlum chu a mchhanna ni lovin, Isua hi  mamawh chhanna tih a lo hre ve ta a ni.

    I nunah harsatna lian tak a lo thlen avang khan lungngai mai suh. Isua a awm a ni. A lo thleng thuai dawn e. Amah chu i au thin a, mahse a lo thleng mai si lo. I tawngtai thin a, A reh vung vung mai em ni ? Mahse lungngai suh ! A hunah, mihringten a hun kan tih ni ni lovah, Amah hunah ngei chuan tlai ngai lo Pathian hi a lo thleng ang.



**********************************************************************************



Dt 12.08.2012
                                                       CHANTAWKA LUNGAWI
                                                                   (Johana 10:41)

    “Johanan thilmak engmah zawng a ti lova, nimahsela, Johanan he mi chungchang thu a sawi apiang kha a lo dik hle hi,” Johana 10:41- tih kan hmu. Tunlai khawvelah hian i dinhmun i han thlir a, i hnathawh leh mite hna in khaikhin a, i hna i sit hle pawh a ni maithei. Zirna kawngah i sang lova, mi angin hmingthanna leh lansarhna i nei lova, i pian phungah pawh chhuanawm vakin i inhre lova, a chang chuan nangmah leh nangmah pawh insit hle chang i nei a ni mai,chung zawng zawngte a vang chuan i nun a beidawng a ni thei.  Amaherawh chu, i hriat lohvin nun ropui takin nitinin i nung thei a ni tih hria ang che. Johana pawh hian thilmak engmah a tih hranpa kan hre hlei nem. Amaherawh chu kan Lalpa chuan “Hmeichhe hrin zingah Johana aia ropui zawk an awm lo,” tiin a sawi hial a sin, mi sawi huai huai leh mite hriat khawp thil ropui tih kher hi ropuina leh lawmna ber a ni lo fo. Johana hna kha enge kan tih chuan khawvelin a ngaihsan leh hna ropuitak thil kha a ti hran miah lo. “Eng tak mi tin ti eng thin kha a awm a, khawvelah a lo kal mek a ni,” tih puan leh mipuite chu an sualte sim a, thuphachawi tura zilh kha ni ringawt mai.
    Miin Krista an hriat theihna tur a nih phawt chuan Johana chuan “aw” nih ringawt pawh a hnial lo. Isaia’n  “Ringtakin au rawh inren suh tawtawrawt angin i aw chhuah tuar tuar la,” a ti a, hei hi Johana hna pawimawh ber chu a ni mai, Amaerawh chu ama chanchin reng reng a sawi ve ngai lova, “Ka hnunga mi zui tur khan mi lehkhalh tawh a ni, ka hma a awm tawh reng a nih avangin,” tiin amah leh amah a inthup a. Krista a dah langsar ber thin, Lalpa mite ah chuan chu chu a ni tlat, tisa thilah an kawl tlem tawlh tawlh a, thlarau lamin a luhkhung na tial tial thung a, chu chu hriain “Paula chuan Pathian tliltihtheihna hmachhuantur hian keimahni lamah hian thihna hian a thawk mai thin a, chethei lovin chaklohna in fellohna ka nei a ni tih hriain a thawk a, nangmah ni ah hian nun na thu kan puang thei ta chauh a ni a ti,”
    Darthlalang hi nisa phet zawng a dah chuan a tlet em avangin nisa engah chuan mahni hmai a inhmuh theih ngai loh angin.  Lalpa engin kan hmel a khuh tawh chinah chuan mihring hmel nilovin Krista hmel keimah niah miten an hmu thin, Amah a lan hun a piangah ropuiin kan langve dawn a ni, Lalpa hmaah chuan hna te tak leh hmuhsitawm ni a kan ngaih zawng zawng te pawh hi kan lallukhum timawitu an la ni dawn a ni, Kohhranah, KTP ah Kohhran hmeichhiaah rawngbawl hna chanvo langsar changlo in inngai mah la vui reng reng suh, Lalpan a hria che.
    I hnaah chuan rinawm la, lawmawm zan loh te nen i awm pawhin hmangaihnain a kawng phiah sak rawh. I lawmna leh i felna, mahni hnaa rinawmna leh i hmangaihna chuan unau chautak chu i chhanhim dawn a ni si a. I harsatna chu i rilru chhungril berah khung la, Lalpa chakna thara inthuamin hmalam bawh tal tal rawh, mi rilruah Krista chhandamna chi kan theh a, lawmna luite tuihnar anga kan luan tir a, malsawmna kan thlen chuan chu chu a tawk a ni, kan nun chu lawmnain a lo luangliam thin ang.
    Kan thlan chungah kan damlai a thil ropui ka tih tarlan tur awm lo mahse, miten ka nun leh Krista chanchin an hria anga khawvel thil ropui ti lo mah ila, miten, “Mi tha a ni a, thil mak engmah a ti lo, amaherawhchu Krista chhandamna chanchin min hrilh avangin nunna thar ka chan phah ani,” an la ti ang che, chutih hunah chuan  chunglamah Lalpan “I chantawkah i ti tha e,” tiin min lo hmuak tawh anga, chu chu kan lawmna ti famkim tu a la ni dawn a ni, Enghna pawh thawk la engang a hausa pawh ni mah la, Lalpa i neih chuan siloh chuan khawvelah nang aia vanduai an awmbik chuang lo tih hi hria ang che.


**********************************************************************************

Dt 5.08.2012

                                          LALPA’N A PHUT CHE CHU ENG NGE NI?

                “Lalpa’n a phut che chu eng nge ni? Dik tak a tih leh khawngaihna ngainat leh

                       thuhnuairawlh taka i Pathian nena len dun a ni lo vem ni?”(Mika 6:8)

             Zawlnei Mika hunlai hi Israel te vang lai a ni a, ral lakah an zalen a, sum leh pai a tam a, Pathian biak pawh an uar. Amaherawhchu, Pathian biak an uar viau laiin chhungril lam takna erawh hmuh tur a tam lo. Sakhua biak chu incheina kawrah an hmang a, chhungril lam takna aiin huau huau lam an uar a. Pathian tana an in hman tam ang hu in an chungah Pathian a lawm lo a ni. Mi rethei leh mi hausa te inkar a kak zauva, mi hausa te chu sai ngho khumah an mu a, an hmeichhia te lah chu, ‘Basan bawng nu ang mai an ni’ tiin zawlneiin a sawi. Dikna aiin mi ten sum an hma chhuan a ni ngei ang, Zawlnei Mika chuan, “ Lalpan a phut che chu eng nge ni?Dik tak a tih leh khawngaihna ngainat leh  thuhnuairawlh taka i Pathian nena len dun a ni lo vem ni?”  tih thu hmang hian Israel te chu a au ta ani,. Ram leh hnam in hma a sawn mek lai hian he thu chah hi kan ma-
mawh hle a ni.

            Dik taka tih:  Dik lohna hi Pathian huat zawng a ni a. Mi tam tak hi dik tak hrulah, a dik ang a lang, dik si lovah hian kan awm fo mai. Khawvel mi te hian dik taka ti \hin te hi an lawm lova, mi dik tak ten an tuar fo mai. Sorkar hnaah te, contract hna-ah te, politics huangah te dik taka ti \hin te aiin dik tak hrulah, dik ve ang a langte hi an ham\ha in hotute lawm pawh an hlawh zawk \hin. Engkawngah pawh, eng hnaah pawh, dik taka tih chu mi ^ nih hlawhna a nih chang a awm. Pathian huat zawng apiang ti lo ila, a duhdan zelin awm \ul. Tirhkoh Paula chuan, “Mihring nge tih lawm ka tum Pathian, mihring tilawm ila Krista bawi ka ni lovang,” a ti a. “ Pathian ngaihaa \haah inentir turin \hahnem ngai rawh” a ti bawk. Pathian ngaiha \ha nge kan zawn mihring ngaiha \ha?

    Khawngaihna ngainat: Khawngaihna kan tih hi misual boral tawh te min chhandam duh khawpa Pathian khawngaina hi a ni. Chanchin |ha hi khawngaihna thu chu a ni a. Khawngaihna ngaina chuan Pathian thu hi a tuipui a, Chanchin |ha la hrelo te hnen a hriattir hi a thupui leh hlimna ani \hin. Thinlunga khat liam chu ka in a sawi tih angin, sum ngaina chuan sum a thupui berah anei a, zu ngaina chuan zu ringawt a ngaihtuah a, politics ngaina chuan politics-ah a rilru a hmang reng a, khawngaihna ngain chuan  khawngaihna thu Pathian thu a sawi a, a hlimna ber a ni \hin.

    Pathian rawngbawltu te hi office-ah, sumdawnna hmun leh kan awmna apiangah hian miten Pathian khawngaihna Chanchin |ha ngaina in min hrethei em? Eng nge kan sawi tam ber”? Kan tu leh fa \hang lian mek te hian eng nge ngaina bera min hriat ang? Lalpan min phut chu khawngaihna ngainat a ni. Tunlai khawvel, mahni hmasialna khawvel, Pathian lawmna aia mahni lawmna zawn \hinna khawvel, Pathian rin aia milian leh hausa te rin zawkna khawvel, Pathian khawngaihna ngainat aia sum ngainatna khawvel tui fawn mekah hian Nova anga thuhnuairawlh taka Pathian nena kan len dun a tul.

*********************************************************************************

Dt 29.7.2012

                                                                 KOHHRAN ROPUINA

                            “Khaw thianghlim chu Pathian ropuina neiin ka hmu a,” “Aw Pathian

                        khawpui I ropuina chu an sawi thihin”. (Mat.16:18 ; Thup. 21:29 ; Sam 87)

     Kohhran hi Bible-in min hrilh dan chuan Pathianin a kohte, Krista zuinaah Thlarau Thianghlimin a hruai khawm a lo ni a.Krista zuitute inpawlnaa lo ding a nih avangin, “Pathian pawlho” an ti \hin. A bul atangain Mihringte siam a ni lova, ruahman dan awmsa zuia nunhona a nih avangin mihringte duh dana kalpui chi a ni lova. Mihring ngah leh sum tam vanga hlawhtlinna pawh a ni lo. Pathian thu ang zela kal tura Pathian din a ni. Kohhran hmasate thurin siamah chuan, “ Kohhran chu Pakhat, huapzo thianghlim, Appostolic” tih a ni. Bible-in kawng hrang hrangin sawifiah dante a a nei bawk. Chungte chu lo thlir ila :-

1. Chhungkua : (1 Tim.3:15 ; Heb.3:1-6)

    a) Mo leh a neitu angin : Hei hian Krista nena inzawm dan a ti lang. Lungawi tak leh rinawma rilri pelhe leh bak nei lova inzawm a entir. Mo thianghlim chu rinawma inpe, ler ching lo, nun him leh nghet taka inzawm a ni. Chhungkaw bul leh tikima tipungtur nihna a kawk

     b) Hringtu leh hrinte : Hei hian unauho, hrin khatte leh an hringtu inzawm angin a sawifiah a. Thisen inzawm chu dan leh thiltih aia thuk leh ngheta inzawmna, engmahin a tihbo theih loh a ni. Kohhranho leh Krista inzawmna erawh chu Rinnaah a ni a, chu chuan Pathian chhungkuaah Krista thisenina siam a ni.

2. Kohhranho awmdante : Kohhranho chu a miten Pathian an pawlhona leh inchhim tawna rawngbawlna leh enkawlna hmunpui a ni.

    a) Van khua leh tui a ni. : Kohhranhi chu Pathian khawpui vuah a ni.Khawpui chu engkim ruahman fel taka siam a ni a. Ruahman anga din chu a miten thuawih taka dan leh rorelte zawma an luahin engkim a fel a, a hahdam thlak thin. Neitu rilru taka an awm tlan chuan a himin a nuama, a thatna leh a hlutna an changho bawk a ni.

             b) Sum enkawltu : Lalpa chu a lokal leh dawn. Chumi hma chuan a sumte lo tipung turin Kohhranho a kawltir a. “Hei hin lo tipung rawh u,” a ti(Lk.9:13). Mahse Kohhranah a mite kan inchen vek lova, dawn ang tawka rinawmnaah teh a ni ang. Enkawltu chu mi rinawm nih angai.Kohhran hi Van nghaka nakin lam sep rotuia tal mai maina turte hming ziak leh sum duh avanga a lema tih mai maina tur a ni lo. “Pathian ngaihin thahnem ngai rawh,” tih a ni.

(He Sermon hi Rev.Thansiam ziah lak tawi a ni-EDITOR)

*************************************************************************************

Dt 22.7.2012

PIANTHAR   AWMZIA

(John 3:3; 1:12&13;I Pet 1:23)

    Pianthar awmzia hi hrilhfiah kan mamawh ber pakhat chu a ni. Isua ngeiin, “ I pianthar loh chuan Pathian ram i hmu thei lo ang,” a ti a. Piantharna chungchangah Bible sawi dan lam en lova mahni pianthar dan anga pianthar thu sawi ta mai mai kan tam hle a;a awmzia sawifiah a tul phah ta a ni.Piantharna chu danglamna emaw ti ta mai lah kan tam.Danglama inhriat veleha piangthara inngai ta an awm thin.Danglamna tak anmahni-ah an hmuh hma loh chuan piangthar lova inruat tlat lah bo lo. Anmahniah thil an hriat ngai loh an hriat tak avanga  piangthar inti ta mai an awm bawk. An mumang lama hrilhtu awm nia hriaa piangthar inti ta mai lah an awm.Camping, Campaign leh Crusade tea mipui hmaa ding chhuak a, inhlan ta ten piangthar emaw an lo inti rawl vei nen.t|awngtaina avanga dam ta te,mi thusawi avanga dam ta ten piangthar emaw an lo inti bawk si.

Sakhaw ngaihsak avanga inkhawm thlah lo, sual anga lang laka insumten piangthar emaw an inti fo bawk. Pathian fakna hla saka lam ta maiten an lam avang chuan piangthar emaw an inti bawk a. Inlarna belhchian dawl lo tak tak, tûk hnih khata a dik lohna lo lamng leh mai tur buaipuia phili tam tak ten piantharna kawng zawh emaw an inti bawk thin.

   

    Bible-in piantharna chu engtin nge min hrilh tih chu kan hriat chian tur pawimawh tak a lo ni ta a nih chu. Piantharna chu, “ Pathian hrin” tiin min hrilh. Lal Isuan, “ Mi a pianthar loh chuan...” a tih awmzia hi engnge ni ang ? Piantharna chu ‘ Chunglam atanga pian ‘ tihna a ni.Chu chu Pathian hrin a ni. Mipa  duhzawng pawh a ni  lo. Hmeichhe duhzawng pawh a ni lo, Pathian hrin a nih thu Bible-in min hrilh.

    Kan nun neihsa pangngai tihdanglam emaw, kan awmna pangngai tihdanglam hi piantharna  a ni lo tih kan hrechiang bang tur a ni.

   

    Nun thar pêk a ni. Piantharna chu Nunna pangngai  tihdanglam ni lovin nun thar pek a ni.Chu nun chu Krista nun a ni. Krista chu mihring tana Pathian thil pêk, nun thar pêk, nuin fa a hring anga Pathian min ‘ hrin tharna’ chu a ni.Mihring chi chu a chhe thei a,a boral thin; Pathian chi erawh chu chatuana boral thei lo a ni. Chu chi chhe thei lo ngei chu Pathian hianin min hrinna (pianna) chu a ni tih  Peteran min hrilh. Pathian hrin an da leh mai mai ngai lo. Krismas vela phur hlut, fur  a lo thlenga chau leh ta ang hi a ni hek lo.Nun tih thara lên a ni lova, nun thar neia lên a ni zawk. Nun tih danglama awm a ni lova, nun danglam neia awm a ni zawk e.

   

    Pathian nunh thar pêk chu mihringin a rinchhanin piangthar tia koh kan ni ta a.Pathian rinchhana nun chu piantharna awmze pakhat a lo nih leh tak chu.Kan neihsa nun chu rintlak a nih loh hria a piangin Pathian nun thar pêk chu an ring thin. Pathian rin chu mahni remchan hun hunah a ni mai lo. Keimahnia nun rintlak,rinchhan tur reng a awm lo tih hriain Krista nun hlu chu  chatuan nunah miin an ring ta thin a lo ni.Pianthar awmze dang leh chu  mitthi kaihthawh, thi lai tihnun tiin min hrilh leh bawk. Bawhchhiat leh sualte avanga mitthi chu Pathianin thihna ata a kaitho leh ta tihna a ni.(Eph 2:1) Bawhchhiat leh sualte avanga thi nih inhre lo tan chuan a ngaihna a awm lo hle thung ang le.

    A pawimawh ber chu ‘nun’ thar neih a ni a,kan neihsa hi Pathianin nun takah min pawmsak tawh lova, nun thi mai a ni. kan neihsa tihdanglam emaw tih thar emaw lam ni lovin Krista ‘nun thar’ min pêk chu kan piantharna a ni tih kan hre tur a ni ang.

    .